Прамысловая база дрэваапрацоўчага сектара канцэрна "Белляспаперпрам" - гэта буйныя і тэхнічна абсталяваныя прадпрыемствы, якія забяспечваюць вытворчасць розных відаў прадукцыі з драўніны з прымяненнем сучасных тэхналогій.
Прадпрыемствы ажыццяўляюць комплексную перапрацоўку драўніны: ад нарыхтоўкі сыравіны, першаснага пілавання да глыбокай перапрацоўкі - вытворчасці драўняных пліт, мэблі і іншай гатовай прадукцыі.
Ажыццяўляецца вытворчасць піламатэрыялаў, профільнага паганажа, драўнянастружкавых і драўнянавалакністых (у тым ліку ізаляцыйных) пліт. Выпускаецца экалагічна чысты канструкцыйны матэрыял - мэблевы шчыт. Функцыянуюць сучасныя вытворчасці розных відаў фанеры.
На прадпрыемствах канцэрна выпускаюцца таксама хаты з прафіляванага бруса, каркасна-шчытавыя хаты, дзвярныя і аконныя блокі, паркет і ламінаваныя падлогавыя пакрыцця.
Шэраг дрэваапрацоўчых прадпрыемстваў выпускаюць і мэбля з уласнай сыравіны і матэрыялаў (драўняныя пліты, масіў, фанера).
У цэлым асартымент выпускаемай прадукцыі прадпрыемстваў канцэрна пасля мадэрнізацыі (2007-2015 гг.) значна пашырыўся, і сёння ахоплівае больш за 80 відаў. Практычна ўся наменклатура тавараў з'яўляецца як імпартазамяшчальнай, так і экспартаарыентаванай.
Забяспечваецца высокаэфектыўнае выкарыстанне сыравіны за кошт глыбіні перапрацоўкі і прымянення безадходных тэхналогій. Адходы вытворчасці задзейнічаны ў энергетыцы. Пабудаваны ўласныя энерга- і цеплакрыніцы, створаны вытворчасці па выпуску дранкі, паліўных гранул і брыкетаў, што дазваляе ўцягнуць у сістэму перапрацоўкі практычна ўвесь аб'ём нізкагатунковай драўнянай сыравіны і атрымаць эканамічны эфект.
Аб'ём вытворчасці па мадэрнізаваных прадпрыемствах канцэрна з 2006 па 2017 год павялічыўся амаль у 14 разоў.
ВЫТВОРЦЫ ПРАДУКЦЫІ ДРЭВААПРАЦОЎКІ
|
|
||
|
|
|
|
|
|
||
|
|||
![]() |
![]() |