З пачатку года доля экспарту прадпрыемстваў канцэрна "Белляспаперпрам" у краіны далёкага замежжа павялічылася ў параўнанні з аналагічным перыядам мінулага года на 9 працэнтных пунктаў і цяпер складае амаль 43%.

Найбольшы прырост адгрузак ў далёкае замежжа (па-за краіны СНД) адбыўся па драўнянай плітнай прадукцыі.

За студзень-жнівень 2016 года прадпрыемства адгрузілі драўнянай плітнай прадукцыі (ДСП і ДВП) на рынкі далёкага замежжа на 21 млн даляраў ЗША, што да аналагічнага перыяду мінулага года складае 265%.

ДСП у далёкае замежжа пастаўлена ў 3,5 разы больш – на 9, 7 млн даляраў ЗША, ДВП амаль у 2,2 разы – на 11,3 млн даляраў ЗША.

У 2016 годзе ў выніку прынятых мер па дыверсіфікацыі рынкаў збыту вытворцам удалося змяніць геаграфічную структуру экспарту драўняных пліт. Калі ў 2015 годзе з усяго аб'ёму экспарту драўнянастружкавых і драўнянавалакністых пліт 76% прыходзілася на краіны СНД, то ўжо ў 2016 годзе за восем месяцаў гэтыя прапорцыі змяніліся, цяпер рынкі падзяліліся роўна напалову: 50% адгружаецца ў далёкае замежжа, 50% - у СНД.

Краіны далёкага замежжа з'яўляюцца асноўнымі рынкамі збыту па такіх таварах як фанера - больш за 90% з агульнага аб'ёму, піламатэрыялы – 85% ад агульнага аб'ёму, драўнянае паліва - практычна 100%.

Мяняецца тэндэнцыя і ў геаграфіі паставак дзвярэй, вокнаў і іншых драўляных вырабаў – 52% ад агульнага аб'ёму за студзень-жнівень пастаўлена ў далёкае замежжа (па выніках 2015 года было 36,5%). Мэблі з агульнага аб'ёму ў краіны далёкага замежжа экспартавана 15,6%, па выніках мінулага года было каля 9%.

Асноўнымі рынкамі збыту краіны СНД застаюцца для шпалернай прадукцыі, паперы, кардона і запалак.

З пачатку года доля экспарту ў краіны далёкага замежжа паступова павялічваецца. За 8 месяцаў яна ўжо склала 43%, тады як на канец 2015 года была на ўзроўні 34,5%, а на канец 2014-га - 28,2%.