У аргкамітэт конкурсу паступіла 25 заявак ад практыкуючых спецыялістаў, работнікаў мэблевых прадпрыемстваў рэспублікі і студэнтаў дзвюх вну – Беларускага дзяржаўнага тэхналагічнага ўніверсітэта і Беларускай дзяржаўнай акадэміі мастацтваў.

Конкурс праводзіцца ў Беларусі ўпершыню па ініцыятыве канцэрна «Белляспаперпрам», БДТУ і Асацыяцыі прадпрыемстваў мэблевай і дрэваапрацоўчай прамысловасці.

Галоўныя мэты конкурсу - стымуляванне творчай дзейнасці дызайнераў, канструктараў і тэхнолагаў айчыннай мэблевай індустрыі, садзейнічанне абнаўленню і пашырэнню асартыменту мэблі беларускіх вытворцаў, павышэнню мастацка-канструктарскага ўзроўню, якасці і канкурэнтаздольнасці вырабаў на ўнутраным і сусветным рынках, укараненню новых матэрыялаў і прагрэсіўных тэхналогій у вытворчасць.

Конкурс праводзіцца па трох намінацыях: «Крэатыўны праект», «Канструктарскае рашэнне» і «Выбар вытворцы».

Працы канкурсантаў аргкамітэт прымае да 28 ліпеня 2017 года.

Разглядацца журы яны будуць у перыяд з 1 па 25 жніўня 2017 г. У складзе журы конкурсу прадстаўнікі арганізатараў, прафесійныя дызайнеры, выкладчыкі вну, канструктары і тэхнолагі мэблевай вытворчасці.

Прэзентацыя конкурсных работ, падвядзенне вынікаў і цырымонія ўзнагароджання пераможцаў конкурсу адбудуцца на 24-й Міжнароднай спецыялізаванай выставе-кірмашы «Мэбля-2017», якая пройдзе ў г. Мінску з 13 па 16 верасня 2017 г. у павільёне Футбольнага манежа.

Пераможцы конкурсу будуць узнагароджаны дыпломамі і грашовымі прэміямі. Акрамя таго, іх праекты могуць быць увасоблены ў прамысловае вытворчасць мэблевых прадпрыемстваў рэспублікі.

Больш падрабязную інфармацыю аб конкурсе можна даведацца тут.