З Днём работнікаў лесу!
Паважаныя работнікі і ветэраны лясной, дрэваапрацоўчай і цэлюлозна-папяровай прамысловасці!
Віншую вас з прафесійным святам - Днём работнікаў лесу!
Леса маюць вялікае значэнне для нашай краіны. Яны забяспечваюць не толькі экалагічную бяспеку дзяржавы, але і з'яўляюцца найважнейшым рэсурсам для развіцця лесапрамысловага комплексу рэспублікі. І менавіта ад вас залежыць, наколькі рацыянальна і эканамічна эфектыўнага выкарыстоўваюцца лясныя багацці, якімі валодае наша краіна.
Сёння лесапрамысловай комплекс Беларусі працуе на якасна новай аснове. Шматгадовы прафесійны і вытворчы вопыт падмацаваны новымі тэхналогіямі і сучаснымі перапрацоўчымі магутнасцямі. Надзейную базу для комплекснага і высокаэфектыўнага выкарыстання лясных рэсурсаў краіны сфармавалі мадэрнізаваныя дрэваапрацоўчыя і цэлюлозна-папяровыя прадпрыемствы. Укладзеныя сродкі ў пераўзбраенне і стварэнне новых вытворчасцей сябе апраўдалі.
Сёння ўсе прадпрыемствы выйшлі на стабільную працу, вырабляюць якасную прадукцыю, большая частка з якой экспартуецца на рынкі далёкага і блізкага замежжа. Вырашаны пытанні імпартазамяшчэння. Унутраны рынак атрымаў уласны якасны прадукт. Уведзеныя ў строй плітныя заводы далі штуршок развіццю мэблевай вытворчасці.
Найважнейшым фактарам з'яўляецца і тое, што захаваны працоўныя калектывы, створаны высокаэфектыўныя працоўныя месцы і годныя ўмовы працы. У эканоміцы прадпрыемстваў ідзе добрая тэндэнцыя. Растуць аб'ёмы вытворчасці, прадукцыя прадаецца, заводы не працуюць на склад, забяспечаны кантрактамі. Рэнтабельнасць продажаў паступова павышаецца. Гэта дае перадумовы для павышэння заработнай платы і далейшага развіцця прадпрыемстваў.
На завяршальнай стадыі сёння знаходзіцца рэалізацыя яшчэ двух унікальных інвестыцыйных праектаў у цэлюлозна-папяровай вытворчасці. Мы пабудавалі два магутных завода, якія выведуць галіну на абсалютна новы ўзровень. Вытворчасць уласнай сульфатнай беленай цэлюлозы ў Светлагорску, мелаваных і немелаваных відаў кардону ў Добрушы адкрывае маштабныя перспектывы па нарошчванню экспарту, штогод толькі два гэтыя прадпрыемствы будуць даваць прадукцыі на поў мільёна долараў. Гэта больш, чым сёння ўсе прадпрыемствы канцэрна атрымліваюць ад экспарту. Акрамя таго, наяўнасць уласных цэлюлозы і кардона будзе стымуляваць і развіццё перапрацоўчых вытворчасцей унутры краіны. Гэтую нішу можа запоўніць сярэдні і малы бізнес.
Вядома, наперадзе яшчэ шмат задач. Трэба будзе вялікая і працаёмкая работа па забеспячэнню поўнай загрузкі магутнасцяў, асваенню новых рынкаў, умацаванню кадравага патэнцыялу працоўных калектываў, павышэнню дабрабыту работнікаў. Упэўнены, што кіраўнікам і спецыялістам прадпрыемстваў па сілах выканаць самыя сур'ёзныя задачы, а таму шчыра жадаю ўсім поспехаў у добрых пачынаннях, новых магчымасцяў для рэалізацыі жыццёвых планаў, светлых перспектыў, аптымізму і дабрабыту. І хай ваш нялёгкая і нястомная праца знойдзе шырокі водгук і падтрымку ў сэрцах усіх грамадзян Беларусі.
Віншую вас з прафесійным святам!
Старшыня канцэрна "Белляспаперпрам" Юрый Назараў
