Прадпрыемствы канцэрна "Белляспаперпрам" павялічылі экспарт паперы і кардону ў першым паўгоддзі на 20,9%.

У першым паўгоддзі гэтага года прадпрыемствы галіны нарасцілі экспарт паперы і кардона да 45,7 млн даляраў ЗША, што на 20,9% больш, чым было экспартавана ў аналагічным перыядзе мінулага года. Геаграфія паставак ахапіла 40 краін. Акрамя традыцыйных для беларускіх вытворцаў рынкаў блізкага замежжа, папера і кардон экспартуюцца і ў аддаленыя рэгіёны, такія як Іран, Турцыя, Егіпет, Бангладэш, Філіпіны, Шры-Ланка, Індыя, Кітай і іншыя. У агульным аб'ёме экспарту паперы і кардона рынкі далёкага замежжа займаюць 31,6%.

Павелічэнню экспартнай выручкі ад рэалізацыі паперы і кардона спрыяе рост аб'ёмаў вытворчасці гэтай прадукцыі і, безумоўна, актыўная маркетынгавая праца. Па выніках працы за першае паўгоддзе па прадпрыемствах цэлюлозна-папяровай галіны канцэрна аб'ём вытворчасці прадукцыі ў параўнанні з аналагічным перыядам 2018 года вырас больш чым на 50%. Гэта істотна больш высокі паказчык у параўнанні з мэблевым і дрэваапрацоўчым сектарамі. У іх аб'ёмы вытворчасці таксама растуць, але дынаміка ніжэй – 100,5% і 103,8% адпаведна.

У разрэзе прадпрыемстваў найбольшы тэмп росту аб'ёмаў вытворчасці забяспечвае ААТ "Светлагорскі ЦКК", дзе выпушчана прадукцыі ў 3,2 разы больш, чым у першым паўгоддзі 2018 года. Акрамя розных відаў паперы і кардона ў бягучым годзе камбінат паступова павялічвае вытворчасць цэлюлозы. За шэсць месяцаў яе выпушчана 66,5 тыс. т, з якіх 47,3 тыс. т экспартавана на рынкі 8 краін. Найбольшыя аб'ёмы пастаўленыя ў Кітай.

У цяперашні час цэлюлозна-папяровыя прадпрыемствы канцэрна актыўна працуюць над пашырэннем асартыменту і павелічэннем аб'ёмаў вытворчасці папяровай упакоўкі, якая закліканая стаць альтэрнатывай пластыку. Дадзены кірунак з'яўляецца добрым патэнцыялам для далейшага росту прамысловай вытворчасці канцэрна "Белляспаперпрам".

Прэс-служба канцэрна " Белляспаперпрам"