Спартыўны азарт, творчы запал і выдатны настрой панавалі ў мінулыя выхадныя на беразе возера Вулькоўскае (Івацэвіцкі р-н), дзе адбыўся I-ы Рэспубліканскі турыстычны злёт сярод арганізацый канцэрна «Белляспаперпрам».

Падчас адкрыцця турзлёту старшыня канцэрна Юрый Назараў падкрэсліў, што арганізацыя такіх мерапрыемстваў - найважнейшы элемент развіцця карпаратыўнай культуры работнікаў галіны. Канцэрн зацікаўлены ва ўмацаванні здароўя работнікаў і заўсёды падтрымлівае іх імкненне да заняткаў турызмам, фізкультурай і спортам. "У нас у арганізацыях даўно склаліся добрыя традыцыі праводзіць розныя актыўныя мерапрыемствы і добра, што з'яўляюцца свежыя ідэі і новыя фарматы для сустрэч і зносін працоўных калектываў, - сказаў Юрый Віктаравіч. - Прыемна бачыць тут нашу актыўную і перспектыўную моладзь. Ваша энергія, імкненне да стварэння, актыўная жыццёвая пазіцыя - гэта той патэнцыял, які закліканы даць новы імпульс у развіцці галіны».

 Кіраўнік канцэрна пажадаў усім удзельнікам злёту быць   настойлівымі ў дасягненні намечаных планаў, мэтанакіраванымі ў   рэалізацыі самых смелых ідэй і праектаў, ісці толькі наперад і   заўсёды верыць у свае сілы.

 Любоў да роднай зямлі, патрыятызм і актыўная жыццёвая пазіцыя -   гэта тры апоры, якімі можна ахарактарызаваць падзею, якая   аб'яднала амаль тры сотні работнікаў прадпрыемстваў канцэрна.

 11 каманд з 13 найбуйнейшых арганізацый на працягу двух дзён   змагаліся ў розных відах спорту і творчых конкурсах.
 Займальнымі былі ўсе без выключэння выпрабаванні. Адкрыў   спаборніцкі марафон конкурс патрыятычнай песні. Каманды   падрыхтавалі унікальныя нумары, прысвечаныя 75-годдзю   вызвалення Беларусі ад нямецка-фашысцкіх захопнікаў. Шчырасць   выканання і талент удзельнікаў зрабілі вельмі моцнае ўражанне на   ўсіх, хто прысутнічаў на канцэрце.

Выдатныя вынікі, спрыт і сілу ўдзельнікі турзлёту прадэманстравалі і ў спартыўных спаборніцтвах, такіх як тэхніка веласіпеднага і пешаходнага турызму, маўнтинбайк, шатландскае кіданне бярвёны, лясны сумо, перацягванне каната. Захапляльным быў і гульнявы квэст "Місія выканальная", у якім удзельнікі павінны былі на час прайсці шэраг выпрабаванняў, напрыклад, сплаў на байдарцы, дакладнае трапленне прадмета ў мэту, конкурс "Кракадзіл", праходжанне ўмоўных перашкод без дотыкаў і іншыя.
t02
Праявіць сябе ў спорце, спрыту, знаходлівасці і сіле маглі ўсе. Хтосьці спрытна спраўляўся з фігурным кіраваннем ровара альбо гнаўся ў крос-кантры, хтосьці пераадольваў навясныя пераправы і хадзіў па бярвенні. Мужчыны мацней змагаліся ў кіданні двухметровага бервяна і перацягванні каната. А ў дысцыпліне "Лясны сумо" прадэманстраваць сваю сілу маглі не толькі мужчыны, але і адважныя жанчыны.

Праявіць творчыя таленты і кулінарныя здольнасці можна было ў конкурсах на прадстаўленне свайго турыстычнага лагера і прыгатаванне абеду турыста. У прадстаўленні лагера неабходна было прытрымлівацца ваенна-патрыятычнай і турысцка-краязнаўчай тэматыкі. Важныя былі творчая складаючая, арыгінальнасць і афармленне лагера. Пры падрыхтоўцы абеду турыста неабходна было выкарыстоўваць пэўны набор прадуктаў і не ўжываць вогнішча. Стравы, якія падрыхтавалі ўдзельнікі злёту, іх афармленне і падача былі настолькі арыгінальнымі, што маглі б паспаборнічаць з працай прафесійных шэф-кухароў.

Дні спаборніцтваў прайшлі як адно імгненне. Сяброўская, творчая атмасфера, спартыўны азарт і выдатны настрой зрабілі першы турыстычны злёт арганізацый канцэрна яркай і незабыўнай падзеяй для ўсіх яго ўдзельнікаў, нягледзячы на тое, як размеркаваліся месцы на п'едэстале гонару. Камусьці ўдалося дасягнуць больш высокіх вынікаў, хтосьці толькі спрабаваў свае сілы. У любым выпадку тыя выпрабаванні, якія прайшлі ўдзельнікі турзлёту, стануць для іх своеасаблівай загартоўкай, школай па пераадоленні перашкод. Гэта абавязкова спатрэбіцца і дапаможа ім у вырашэнні самых складаных задач у будучыні.

А месцы ў турнірнай табліцы размеркаваліся наступным чынам.

У агульнакамандным заліку па агульнай суме балаў за ўсе конкурсы перамагла каманда ААТ "Івацэвічдрэў".

Другое месца на п'едэстале ў каманды ЗАТ " ХК "Пінскдрэў".

Трэцюю прыступку заваявала зборная каманда з г. Шклова РУП «Завод газетнай паперы» і ААТ «Папяровая фабрыка «Спартак».

Усяго пяць балаў аддзялілі ад п'едэстала гонару каманду ААТ "Светлагорскі ЦКК", у яе чацвёртае месца. У фінальнай сутычцы па перацягванні каната з супернікамі з ЗАТ «ХК «Пінскдрэў» светлагорцы заваявалі другое месца, што не дазволіла ім увайсці ў тройку лідэраў. Трэцяе месца ў конкурсе перацягвання каната ў каманды ААТ "Гомельдрэў".

Усе пераможцы і лаўрэаты турыстычнага злёту ўзнагароджаны дыпломамі арганізатараў - Беларускага прафсаюза работнікаў лесу і прыродакарыстання і канцэрна «Белляспаперпрам». Не засталіся лепшыя ўдзельнікі і без спецыяльных прызоў ад прафсаюза.

ГЛЯДЗЕЦЬ ЗВОДНЫ ПРАТАКОЛ

Прэс-служба канцэрна " Белляспаперпрам"