Старшыня канцэрна "Белляспаперпрам" Юрый Назараў павіншаваў работнікаў галіны з прафесійным святам.

Паважаныя работнікі і ветэраны лясной, дрэваапрацоўчай і цэлюлозна-папяровай прамысловасці!

Віншую вас з прафесійным святам - Днём работнікаў лесу!

Лясы маюць вялікае значэнне для нашай краіны. Яны забяспечваюць не толькі экалагічную бяспеку дзяржавы, але і з'яўляюцца найважнейшым рэсурсам для развіцця лесапрамысловага комплексу рэспублікі. І менавіта ад нас з вамі залежыць, наколькі рацыянальна і эканамічна эфектыўна выкарыстоўваюцца лясныя багацці, якімі валодае наша краіна.

Сёння лесапрамысловы комплекс Беларусі працуе на якасна новай аснове. Шматгадовы прафесійны і вытворчы вопыт падмацаваны новымі тэхналогіямі і сучаснымі перапрацоўчымі магутнасцямі.

Надзейную базу для комплекснага і высокаэфектыўнага выкарыстання лясных рэсурсаў краіны сфармавалі мадэрнізаваныя дрэваапрацоўчыя і цэлюлозна-папяровыя прадпрыемствы. Укладзеныя сродкі на пераўзбраенне і стварэнне новых вытворчасцей сябе апраўдалі.

Сёння галіна працуе з добрымі паказчыкамі, вырабляе якасную прадукцыю, большая частка з якой экспартуецца на рынкі далёкага і блізкага замежжа. Вырашаныя пытанні імпартазамяшчэння. Унутраны рынак забяспечваецца ўласным якасным прадуктам.

Вядома, наперадзе яшчэ шмат задач. Трэба будзе працягнуць працу па асваенні новых рынкаў, стварэнні дадатковых вытворчасцяў па ўключэнні ў абарот рэсурсаў нізкагатунковай драўніны, развіццю і ўмацаванню кадравага патэнцыялу працоўных калектываў, павышэнню дабрабыту работнікаў.

Упэўнены, што кіраўнікам і спецыялістам прадпрыемстваў па сілах выканаць самыя сур'ёзныя задачы, а таму шчыра жадаю ўсім поспехаў у добрых пачынаннях, новых магчымасцяў для рэалізацыі жыццёвых планаў, атрадных перспектыў, аптымізму і дабрабыту.

З Днём работнікаў лесу!

Старшыня канцэрна «Белляспаперпрам»

Юрый Назараў