ААТ "Івацэвічдрэў" з пачатку верасня перайшло на вытворчасць драўнянастружкавых пліт з больш высокай ступенню экалагічнасці. Уся прадукцыя прадпрыемства адпавядае аднаму з самых строгіх сусветных стандартаў экалагічнай бяспекі - класу эмісіі фармальдэгіду Е 0,5.

Гэта пацвярджаецца сертыфікатам CARB 2 (California Air Resources Board - Каліфарнійскі савет па паветраных рэсурсах), атрыманню якога папярэднічалі лабараторныя даследаванні узораў прадукцыі.

Вынікі даследаванняў апраўдалі чаканні вытворцы: пліты BYSPAN атрымалі высокую ацэнку якасці і права на рэалізацыю ў краінах Еўропы і Амерыкі.

Клас эмісіі - гэта той паказчык, які адлюстроўвае норму ўтрымання вольнага фармальдэгіду ў 100 г сухой пліты. Ва ўсіх еўрапейскіх краінах дзейнічае стандарт, згодна з якім узровень фармальдэгіду не павінен перавышаць 8 мг у 100 г сухой пліты або 0, 124 мг на 1 кубаметр паветра - такія характарыстыкі пліты класа эмісіі Е1. Сусветная Арганізацыя Аховы здароўя замацавала гэта значэнне ў якасці "бяспечнага ўзроўню" ("Safe lеvel"). У плітах класа эмісіі Е 0,5, якія выпускае ААТ "Івацэвічдрэў", змяшчаецца ў два разы менш фармальдэгіду – да 4 мг у 100 г сухой пліты. Гэта значыць, паказчык па змесце CH2O нават ніжэй, чым лімітавае значэнне еўрапейскага стандарту.

Пры эксплуатацыі мэблі, зробленай з такога экалагічна чыстага матэрыялу, або ужываючы яго для аздаблення памяшканняў, можна быць спакойным за сваё здароўе. Плітная прадукцыя BYSPAN ідэальна падыходзіць для вытворчасці мэблі для дзіцячых пакояў і медыцынскіх устаноў.

Беражлівыя адносіны да навакольнага асяроддзя і прыродных рэсурсаў - гэта адзін з асноватворных прынцыпаў ААТ "Івацэвічдрэў". Экалагічная не толькі прадукцыя прадпрыемства, але і працэс яе вытворчасці - вытворчасці безадходнага, арганізаванага па прынцыпе рэсурсазберагальнага замкнёнага цыклу. Кампаніяй атрыманы сертыфікат FSC (Forest Stewardship Council - Лясны апякунскі савет), які пацвярджае легальнасць закупак драўніны і выключае верагоднасць перапрацоўкі сыравіны, атрыманага незаконным шляхам.

Такім чынам, драўняна-стружкавыя пліты BYSPAN і мэбля з іх ад вядучага беларускага вытворцы ААТ "Івацэвічдрэў" - гэта высакаякасная экалагічна бяспечная прадукцыя.

Прадукцыя ААТ "Івацэвічдрэў" выдатна зарэкамендавала сябе як на беларускім рынку, так і на замежных пляцоўках. Геаграфія экспарту драўнянастружкавых пліт і мэблі гэтага прадпрыемства ахоплівае 30 краін.

Прэс-служба канцэрна " Белляспаперпрам"

Глядзець відэа