Першасныя прафсаюзныя арганізацыі ААТ "Светлагорскі ЦКК" і філіяла "Добрушская папяровая фабрыка "Герой працы" арганізавалі для старшыняў цэхавых камітэтаў навучанне, сумясціўшы яго з аздараўленнем.

Адным з найважнейшых напрамкаў у дзейнасці першасных прафсаюзных арганізацый Беларускага прафсаюза работнікаў лесу і прыродакарыстання з'яўляецца навучанне прафсаюзнага актыву, арганізацыя адпачынку і аздараўлення членаў прафсаюза. Так, першасныя прафсаюзныя арганізацыі ААТ "Светлагорскі ЦКК" і філіяла "Добрушская папяровая фабрыка "Герой працы" арганізавалі для старшыняў цэхавых камітэтаў тур выхаднога дня ў санаторый "Чонкі".

Тут было арганізавана навучанне, якое сумясцілася з аздараўленнем і адпачынкам. Спецыялісты Гомельскага прафсаюза работнікаў лесу і прыродакарыстання азнаёмілі старшыняў цэхкамаў са зменамі і дапаўненнямі ў Працоўным кодэксе Рэспублікі Беларусь. Разгледзелі пытанні арганізацыйнай і інфармацыйнай працы, закранулі пытанні ажыццяўлення прафсаюзамі кантролю за выкананнем заканадаўства аб ахове працы.

Крыніца: Гомельскі абкам прафсаюза работнікаў лесу і прыродакарыстання