Прэм'ер-міністр Беларусі Сяргей Румас зробіць сёння рабочую паездку ў Гомельскую вобласць, паведамілі БЕЛТА ў прэс-службе ўрада.

У рэгіёне прэм'ер-міністру даложаць аб ходзе выканання даручэнняў Прэзідэнта па рэалізацыі інвестыцыйных праектаў на шэрагу прадпрыемстваў. У прыватнасці, у ААТ "Светлагорскі ЦКК" размова пойдзе аб будаўніцтве завода па вытворчасці сульфатнай беленай цэлюлозы магутнасцю 400 тыс. т у год.

У Рэчыцы кіраўніку ўрада даложаць аб рэалізацыі двух інвестпраектаў: "Рэканструкцыя і развіццё дзеючых вытворчасцей з укараненнем комплексу энергазберагальных мерапрыемстваў, арганізацыя вытворчасці драўнянавалакністых пліт МДФ/ХДФ ў ААТ "Гомельдрэў", а таксама "Мадэрнізацыя вытворчасці ДСП у ААТ "Рэчыцадрэў". У Добрушы прадметам абмеркавання стане тэхнічнае перааснашчэнне філіяла "Добрушская папяровая фабрыка "Герой працы "ААТ "Кіруючая кампанія холдынгу "Беларускія шпалеры " з арганізацыяй вытворчасці мелаваных і немелаваных відаў кардона.

Сяргей Румас прыме ўдзел ва ўрачыстым адкрыцці моста праз раку Сож у Гомельскім раёне.

У праграме рабочай паездкі і наведванне Петрыкава, дзе прэм'ер-міністр азнаёміцца з ходам рэалізацыі інвестпраекта па прамысловай распрацоўцы Петрыкаўскага радовішча калійных солей з будаўніцтвам і ўводам у эксплуатацыю ў Гомельскай вобласці горна-абагачальнага комплексу магутнасцю не менш як 1,5 млн т хларыду калію ў год.

Крыніца: БЕЛТА