Сёння ў рамках рэспубліканскай акцыі "Нашы дзеці" намеснік старшыні канцэрна "Белляспаперпрам" Генадзь Дзікавіцкі наведаў ДУА "Бабруйская дзяржаўная спецыяльная агульнаадукацыйная школа-інтэрнат для дзяцей з парушэннем слыху" і павіншаваў дзяцей з надыходзячымі святамі.

Галоўная мэта акцыі – падарыць дзецям цяпло і ўвагу, стварыць добрае, святочны настрой. У дні акцыі дарослыя, прадстаўнікі міністэрстваў і ведамстваў, шматлікіх арганізацый наведваюць установы адукацыі і дораць дзецям падарункі.

Традыцыйна канцэрн «Белляспаперпрам» прымае ўдзел у гэтым дабрачынным марафоне і прыязджае напярэдадні навагодніх святаў да навучэнцаў Бабруйскай дзяржаўнай спецыяльнай агульнаадукацыйнай школы-інтэрната для дзяцей з парушэннем слыху. У ёй пражываюць і навучаюцца больш за 100 дзяцей з розных гарадоў і пасёлкаў Магілёўскай вобласці.

  Канцэрн "Белляспаперпрам" традыцыйна аказвае падтрымку   ўстанове адукацыі ў абнаўленні і папаўненні матэрыяльна-   тэхнічнай базы. Рэгулярна вылучаецца бязвыплатная дапамога ў   выглядзе мэблі, школьных прылад і іншых матэрыялаў.

  І гэты год не стаў выключэннем. Школе прадастаўлены   сертыфікат на прадукцыю прадпрыемстваў канцэрна на суму   больш за 2300 рублёў. Гэта мэбля, канцалярскія прыналежнасці,   аргтэхніка і санітарна-гігіенічныя вырабы.

   Прэс-служба канцэрна "Белляспаперпрам"