Віншаванне старшыні канцэрна "Белляспаперпрам" Юрыя Назарава з Новым годам і Калядамі.

Паважаныя калегі, работнікі лясной, дрэваапрацоўчай
і цэлюлозна-папяровай прамысловасці, ветэраны галіны!

Прыміце мае шчырыя віншаванні з надыходзячым Новым годам і Калядамі Хрыстовымі!

Напярэдадні Новага года прынята падводзіць рысу пад тым, што зроблена ў адыходзячым перыядзе, і будаваць планы на будучыню.
2019 год для арганізацый канцэрна быў насычаным і плённым. Многае з таго, што планавалася, ажыццявілася. Узнікаючыя цяжкасці пераадольваліся, забяспечвалася стабільнае функцыянаванне ўсіх вытворчых магутнасцяў. Працоўныя калектывы працавалі зладжана і эфектыўна.

Ва ўмовах падзення цэн на асноўных рынках збыту прадпрыемствам галіны ўдалося захаваць свае пазіцыі на вядучых гандлёвых пляцоўках і завяршыць год з прыростам аб'ёмаў вытворчасці і рэалізацыі прадукцыі.

У адыходзячым годзе арганізацыі канцэрна актыўна пазіцыянавалі сябе на знешніх рынках, прадстаўлялі прадукцыю на вядучых міжнародных выставах і форумах. У іх з'явіліся новыя партнёры і перспектыўныя кантакты.

Унутраны рынак папоўніўся асартыментам якасных імпартазамяшчальных тавараў. Прадукцыя галіны карысталася добрым попытам у беларускіх спажыўцоў.

Дасягнута многае, але заўсёды застаецца нешта, што патрабуе вялікіх намаганняў і самаахвярнасці. Безумоўна, нешта застаецца не да канца завершаным. Гэта значыць, што ў будучым годзе трэба сканцэнтраваць усе рэсурсы і дасягнуць пастаўленых мэтаў.

2020 год – завяршальны у пяцігодцы. Ён стане паказальнай мяжой у ацэнцы эфектыўнасці тэхнічна абноўленых вытворчасцяў і новых перапрацоўчых магутнасцяў. Таму ў будучым годзе перад намі стаіць задача атрымаць максімальную аддачу ад усіх відаў дзейнасці і ўсіх без выключэння працоўных калектываў. Мы валодаем моцным кадравым патэнцыялам і найбагацейшым вопытам. У нас ёсць галоўны рэсурс для загрузкі сваіх магутнасцяў – лес. Увесь гэты патэнцыял неабходна эфектыўна ўцягнуць у рэалізацыю самых смелых ідэй і праектаў, якія павінны даць новы імпульс для развіцця галіны.

Упэўнены, што прафесіяналізм нашых кіраўнікоў і спецыялістаў, іх адданасць сваёй справе і імкненне да найлепшых вынікаў дазволяць нам у будучым годзе вырашаць самыя складаныя задачы і дасягаць пастаўленых мэтаў.

Выказваю словы падзякі ўсім работнікам арганізацый канцэрна, ветэранам вытворчасці, дасведчаным працаўнікам і маладым спецыялістам. Вы ўносіце важкі ўклад у развіццё лесапрамысловага комплексу і павелічэння яго ўкладу ў эканоміку дзяржавы. Ваша праца заслугоўвае самых высокіх адзнак і падзякі.

Навагоднія святы - самыя цёплыя і радасныя для ўсіх нас. Чарговая часовая вяха ззаду, але наперадзе нас чакаюць новыя дасягненні, пачынанні, цікавыя сустрэчы і яркія моманты. Жадаю ўсім моцнага здароўя, верных сяброў і надзейных партнёраў. Шчасця і дабрабыту ў новым годзе!

Старшыня канцэрна "Белляспаперпрам"
Юрый Назараў