Сёння ў Мінску адбылося падпісанне плана мерапрыемстваў на 2020-2022 гады па развіцці супрацоўніцтва паміж Рэспублікай Беларусь і Архангельскай вобласцю Расійскай Федэрацыі.

Падпісанне дакумента адбылося ў рамках другога пасяджэння рабочай групы па супрацоўніцтве Рэспублікі Беларусь і Архангельскай вобласці Расійскай Федэрацыі, якую ўзначальваюць старшыня канцэрна «Белляспаперпрам» Юрый Назараў (ад Рэспублікі Беларусь) і губернатар Архангельскай вобласці Расійскай Федэрацыі Ігар Арлоў.

Кіруючыся пагадненнем паміж Урадам Архангельскай вобласці (Расійская Федэрацыя) і Урадам Рэспублікі Беларусь аб гандлёва-эканамічным, навукова-тэхнічным і гуманітарным супрацоўніцтве, заключаным у красавіку 2015 года, прымаючы пад увагу ўзаемную зацікаўленасць у паглыбленні і пашырэнні супрацоўніцтва паміж Архангельскай вобласцю і Рэспублікай Беларусь, урад Архангельскай вобласці Расійскай Федэрацыі ў асобе губернатара Арлова Ігара Анатольевіча з аднаго боку і Беларускі вытворча-гандлёвы канцэрн лясной, дрэваапрацоўчай і цэлюлозна-папяровай прамысловасці "Белляспаперпрам" у асобе старшыні канцэрна Назарава Юрыя Віктаравіча з другога боку падпісалі пагадненне, у адпаведнасці з якім будуць рэалізоўвацца мерапрыемствы па некалькіх напрамках супрацоўніцтва.

   Гэта супрацоўніцтва ў галіне прамысловасці і     гандлю, дзе прадугледжваюцца магчымасці   ўзаемных паставак суб'ектам гаспадарання   Архангельскай вобласці і Рэспублікі Беларусь   беларускай аўтамабільнай, сельскагаспадарчай   тэхнікі, лесавозаў, тэхнікі для лесатэхнічных   мэтаў, дарожнай, будаўнічай і пасажырскай   тэхнікі  (у тым ліку для транспарціроўкі людзей з   абмежаванымі магчымасцямі), а таксама запасных   частак да іх праз дылерскія цэнтры.   Прадугледжваецца пастаўка беларускіх ліфтаў у   Архангельскую вобласць у рамках рэалізацыі   праграм па перасяленню грамадзян з аварыйнага   жылога фонду і капітальнага рамонту   шматкватэрных дамоў, і для аб'ектаў новага   будаўніцтва на тэрыторыі Архангельскай вобласці,   а таксама прадукцыі лесапрамысловага комплексу.

  У сферы будаўніцтва, жыллёва-камунальнай гаспадаркі, паліўна-энергетычнага комплексу і хімічнай прамысловасці плануецца прапрацаваць пытанне ўдзелу беларускіх праектных і будаўнічых арганізацый у праектаванні і будаўніцтве жылых, вытворчых, сацыяльных і спартыўных аб'ектаў Архангельскай вобласці, а таксама паставак будаўнічых і аздобных матэрыялаў беларускай вытворчасці. Таксама вырашана прапрацаваць напрамкі супрацоўніцтва ў торфаздабыўнай галіне, у тым ліку па вытворчасці паліўных тарфяных брыкетаў, прадастаўленні паслуг у галіне праектавання аб'ектаў здабычы і перапрацоўкі торфу ў Архангельскай вобласці, арганізацыі паставак тэхнікі для здабычы і перапрацоўкі торфу.

На пасяджэнні рабочай групы былі прадметна абмеркаваны сумесныя праекты ў сферы праектавання і будаўніцтва школ і сістэм водаачысткі. Ігар Арлоў прапанаваў беларускаму боку не адкладаючы на доўгі час накіраваць свае прапановы па ўдзеле ў будаўніцтве найбуйнейшай у Архангельску агульнаадукацыйнай школы на 1600 навучэнцаў. Ён таксама адзначыў, што Архангельская вобласць вельмі мае патрэбу ў паслугах па праектаванні аб'ектаў будаўніцтва, і беларускія арганізацыі маглі б папоўніць гэты попыт.

  Цікавы для Архангельскай вобласці і беларускі вопыт у   добраўпарадкаванні населеных пунктаў і тэрыторый. Госці   высока ацанілі ўзровень добраўпарадкаванасці, дызайнерскага   афармлення і парадку ў беларускай сталіцы і хацелі б лепш   вывучыць гэты вопыт, каб прымяніць яго ў Архангельску і іншых   гарадах рэгіёна.

  Супрацоўніцтва двух бакоў у аграпрамысловай сферы будзе   садзейнічаць магчымасці паставак беларускай тэхнікі для   нарыхтоўкі кармоў, абсталявання для малочна-таварных   комплексаў Архангельскай вобласці (даільнага абсталявання,   кормараздатчыкаў, прычэпаў для сельскагаспадарчай тэхнікі).   Акрамя таго, на пасяджэнні рабочай групы дэлегацыяй   Архангельскай вобласці была агучана патрэба ў пастаўках   сельскагаспадарчай тэхнікі (трактароў) і машын для   горназдабыўнай галіны (самазвалаў) і запасных частак да іх. Абмяркоўваліся таксама пытанні прамых паставак беларускіх прадуктаў харчавання ў Архангельскую вобласць. Да іх у гэтым рэгіёне вялікі інтарэс. Прадпрыемствы Архангельскай вобласці ў сваю чаргу гатовыя наладзіць пастаўкі якаснай марской рыбы ў Беларусь. Таксама ад гасцей паступіла прапанова развіваць супрацоўніцтва ў сферы селекцыйнага насенняводства сельгаскультур, у прыватнасці, бульбы.

Вызначаны таксама напрамкі супрацоўніцтва ў сферы культуры, адукацыі, спорту, турызму і сацыяльнага развіцця, у галіне маладзёжнай палітыкі і патрыятычнага выхавання, выставачна-кірмашовай дзейнасці.

Будзе развівацца супрацоўніцтва паміж муніцыпальнымі ўтварэннямі і ў інфармацыйнай сферы. Яно будзе будавацца на ўмацаванні пабрацімскіх сувязяў і рэалізацыі праектаў, накіраваных на развіццё эканамічнага і культурна-гуманітарнага супрацоўніцтва паміж гарадамі-пабрацімамі Архангельскай вобласці і Рэспублікі Беларусь.

Прэс-служба канцэрна "Белляспаперпрам"

19.02.2020 14:14