Учора ў ходзе рабочай паездкі намесніка старшыні канцэрна «Белляспаперпрам» Міхаіла Каско ў Гомельскую вобласць былі разгледжаны актуальныя пытанні работы прадпрыемстваў холдынгу «Беларускія шпалеры».

У прыватнасці, на парадку дня былі: ход рэалізацыі праекта па будаўніцтве завода мелаванага і немелаванага відаў кардона на базе Добрушскай папяровай фабрыкі "Герой працы" і арганізацыя эксплуатацыі дапрацаванага абсталявання на прадпрыемстве "Гомельшпалеры" і забеспячэнне выпуску прадукцыі.

    На аб'екце ў Добрушы пачаліся работы па завяршэнні пазначанага вышэй       праекта. Падрадныя арганізацыі прыступілі да выканання комплексу   мерапрыемстваў, неабходных для запуску ўсяго тэхналагічнага абсталявання   завода. Работы вядуцца спецыялізаванымі беларускімі арганізацыямі. Таксама   на аб'ект ужо прыбыла група спецыялістаў аўстрыйскай кампаніі, абсталяванне   якой зманціравана на гэтай вытворчасці.

  Усе этапы работ выконваюцца ў адпаведнасці з зацверджаным і ўзгодненым з   усімі зацікаўленымі графікам. Тэрміны выканання работ кантралююцца   канцэрнам. Асноўная частка работ будзе завершана ў бягучым годзе.

   На фабрыцы таксама адбылося чарговае пасяджэнне арганізацыйнага   камітэта па падрыхтоўцы і правядзенні ўрачыстых мерапрыемстваў з нагоды   150-годдзя Добрушскай папяровай фабрыкі «Герой працы», якое будзе   адзначацца ў верасні бягучага года. Святкаванне юбілею найстарэйшага ў   Беларусі папяровай вытворчасці стане вялікай і яркай падзеяй для ўсёй галіны. Урачыстыя мерапрыемствы пройдуць напярэдадні прафесійнага свята - Дня работнікаў лесу.

На прадпрыемстве "Гомельшпалеры" пасля дапрацоўкі ачышчальных збудаванняў забяспечаны запуск тэхналагічнага абсталявання. Вытворчасць працуе, шпалеры выпускаюцца па замове. У цяперашні час вырабляецца буйная партыя шпалер для заказчыка з Казахстана.

Прэс-служба канцэрна "Белляспаперпрам"

13.03.2020 16:31