Калі мы не аб'яднаем намаганні, то заўтра будзем аднаўляць парушаныя эканамічныя сувязі, і на гэта сыдзе шмат часу, грошай і працы, - заявіў Аляксандр Лукашэнка на рабочай сустрэчы членаў Вышэйшага Еўразійскага эканамічнага савета, якая адбылася ўчора ў рэжыме відэаканферэнцыі.

"Мы ўсе сур'ёзна паставіліся да праблемы, якая складваецца ў выніку абвешчанай СААЗ пандэміі. Кожная краіна выпрацоўвае свае рашэнні, формы рэагавання. Але разам мы можам зрабіць больш", - падкрэсліў беларускі лідар.

У якасці прадмета размовы прэзідэнт прапанаваў тэму забеспячэння стабільнасці і спакою ў грамадстве, недапушчэння размывання асноў ЕАЭС з-за імкнення ў першую чаргу засцерагчы толькі сябе. "Калі мы не аб'яднаем намаганні, то заўтра будзем аднаўляць парушаныя эканамічныя сувязі, і на гэта сыдзе шмат часу, грошай і працы", - упэўнены беларускі лідар.

Паводле яго слоў, тое, што цяпер адбываецца ў свеце, пацвярджае выказаныя асцярогі: вірус разбурае жыцця і сям'і, уносіць сумятню ў працу рынкаў, прыводзіць да прыпынку цэлых галін, сур'ёзна ўплывае на становішча спраў у нафтавай сферы.

"Аднабаковыя дзеянні дзяржаў паставілі пад пагрозу гандлёвыя адносіны, кааперацыйныя ланцужкі, працоўную міграцыю. Адсутнасць каардынацыі намаганняў пагаршае гэтыя негатыўныя фактары. Таму эгаістычныя рашэнні, якія прымаюцца без аглядкі на наступствы як мінімум у дачыненні да бліжэйшых партнёраў, стратэгічна не будуць мець поспеху. У сённяшняй сітуацыі толькі дзякуючы згуртаванасці і рашучасці мы зможам справіцца з пандэміяй і яе наступствамі", - заявіў кіраўнік беларускай дзяржавы.

Аляксандр Лукашэнка адзначыў, што Еўразійская эканамічная камісія ініцыявала шэраг мер, якія можна аднесці да першачарговых, аднак яны не ахопліваюць усяго комплексу неабходных дзеянняў, каб максімальна выкарыстоўваць існуючы патэнцыял ЕАЭС. "Пры гэтым у кожнага з нас ужо прымяняюцца практыкі па забеспячэнні бяспекі жыцця і здароўя людзей і падтрымцы нацыянальных эканомік, якія даказалі сваю эфектыўнасць", - сказаў прэзідэнт.

Ён заклікаў рашуча дзейнічаць разам, разлічваць не толькі на бягучае развіццё сітуацыі, але і на перспектыву, прадумаць фарміраванне ўласнага рэгіянальнага "пояса бяспекі" шляхам паскарэння стварэння імпартазамяшчальных вытворчасцяў і лакалізацыі на тэрыторыі Саюза крытычна важных галін. "Акрамя таго, нам патрэбныя агульныя механізмы рэагавання на глабальныя крызісы новага роду-эпідэмічныя, агульныя нормы і планы дзеянняў у надзвычайных сітуацыях у мэтах памяншэння рызык", - лічыць беларускі лідар.

"У адным я перакананы цалкам: разам перажыць гэты глабальны крызіс нам будзе лягчэй. І наогул іншага не дадзена. Бо логіка любога Саюза і ўзаемаадносін у ім прадугледжвае менавіта разам. А яшчэ лепш, калі ўсе нашы дзеянні будуць пазбаўленыя нацыянальнага эгаізму і рашэнні будуць узгодненыя з адзіным вектарам накіраванасці", - рэзюмаваў Аляксандр Лукашэнка.

Крыніца: БЕЛТА

15.04.2020 09:30