Прадпрыемствы канцэрна «Белляспаперпрам" прымаюць актыўны ўдзел у падрыхтоўцы да святкавання вялікага Дня Перамогі савецкага народа ў Вялікай Айчыннай вайне.

У розных кутках Беларусі, якая страціла ў 1941-1945 гадах кожнага трэцяга жыхара, створаны сімвалічныя мемарыяльныя комплексы, усталяваныя манументы, прысвечаныя падзеям самай трагічнай і кровапралітнай вайны.

Сёння ў краіне налічваецца каля 9 тысяч помнікаў і пахаванняў Вялікай Айчыннай вайны.

Працоўныя калектывы арганізацый канцэрна актыўна ўдзельнічаюць у іх добраўпарадкаванні, навядзенні парадку на прылеглых да іх тэрыторыях. Многае зроблена і ў дзень рэспубліканскага суботніка.

Акрамя таго, аказваецца дапамога ўдзельнікам падзей Вялікай Айчыннай вайны ў добраўпарадкаванні прыдваровых тэрыторый, прысядзібных участкаў і дамоў.

На фота: работнікі ААТ «Слонімскі кардонна-папяровы завод Альберцін" ажыццяўляюць рамонт і афарбоўку агародж былым работнікам прадпрыемства ўдзельнікам Вялікай Айчыннай вайны Блізнюку Аляксандру Яфімавічу і Агрымавіч Ніне Міхайлаўне.

Прэс-служба канцэрна "Белляспаперпрам"

29.04.2020 08:50