Праца беларускага рэальнага сектара ў цяперашніх умовах паказала эфектыўнасць абранага курсу. Калі многія краіны-партнёры прыпынілі працы канвеераў, нашы вытворчасці працягвалі працаваць і прадаваць. У выніку пры ажыўленні рынкаў сітуацыя ў беларускай эканоміцы кантралюемая.

Праца прамысловасці і павышэнне дабрабыту людзей заўсёды былі і будуць у прыярытэце дзяржавы. Адно з пастаянных пытанняў ад працоўных калектываў - узровень заработнай платы. Як неаднаразова казаў наш прэзідэнт, яе трэба сапраўды зарабіць. І нарошчваць трэба не толькі прадукцыйнасць працы і пастаўкі на экспарт, але і зніжаць сабекошт, павышаць якасць і тым самым выйграваць канкурэнцыю. А значыць, ўлічваць і ўсе сучасныя тэндэнцыі.

На Мінскай шпалернай фабрыцы павялічылася прадукцыйнасць працы. Шпалерная фабрыка даўно перасягнула векавую мяжу. Больш за палову прадукцыі адпраўляюць за мяжу, але ў сувязі з пандэміяй традыцыйныя рынкі зачыніліся. Але, як кажуць, перажывалі і не такія часы. Пасля таго, як рынак пачаў патроху ажываць і ў людзей з'явілася надзея, павялічылася прадукцыйнасць - выконваюць норму 5 дзён за 4.

8 ліпеня  з работнікамі фабрыкі сустрэўся кіраўнік камісіі Савета рэспублікі Сяргей Рачкоў. Гаворыць, адна з задач парламентарыяў дапамагчы калектывам рухацца наперад. Дзесьці на заканадаўчым узроўні, дзесьці зірнуць на сітуацыю з вышыні свайго досведу і даць ужо гатовае рашэнне.

Развіццю прадпрыемстваў па ўсёй краіне сёння - асаблівая ўвага дзяржавы. Бо за будучыняй прамысловых гігантаў - лёсы сотняў тысяч простых людзей.

Глядзець яшчэ відэа

Крыніцы: https://www.tvr.by і https://www.sb.by

09.07.2020 10:25