Старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Рачкоў наведаў ЗАТ "Маладзечнамэбля".

Сенатар азнаёміўся з вытворчасцю "Маладзечнамэбля" і сустрэўся з працоўным калектывам фабрыкі.

Закраналася шырокае кола пытанняў: умовы працы, фінансава-гаспадарчая дзейнасць прадпрыемства, зарплата, развіццё вытворчасці, павелічэнне экспарту. Парламентарый звярнуў увагу на сур'ёзныя поспехі айчыннай дрэваапрацоўчай галіны.

- Яны дасягнуты дзякуючы верным стратэгічным рашэнням, прынятым Кіраўніком дзяржавы па падтрымцы дрэваапрацоўкі, уключаючы вытворчасць мэблі, якая адрозніваецца высокай якасцю і сучасным дызайнам. Былі інвеставаны буйныя сродкі ў мадэрнізацыю прадпрыемстваў, іх перааснашчэнне, падрыхтоўку кадраў, выхад прадукцыі на новыя рынкі – - сказаў ён.

Крыніца: https://www.sb.by

Фота: Маладзечнамэбля

15.07.2020 17:50