16 ліпеня старшыня канцэрна Міхаіл Касько здзейсніў рабочую паездку ў г. Шклоў.

На парадку дня былі: выязны прыём грамадзян, сустрэча з працоўным калектывам Завода газетнай паперы, разгляд пытанняў рэалізацыі інвестыцыйнага праекта па стварэнні вытворчасці паперы-асновы, а таксама праекта мадэрнізацыі папяровай фабрыкі «Спартак».

    На асабісты прыём да кіраўніка галіны прыйшоў кіроўца грузавога     аўтамабіля  даччынай арганізацыі Завода газетнай паперы. Ён агучыў сваё   бачанне на арганізацыю работ па грузаперавозках і папрасіў тлумачэнні, якім   чынам фармуецца яго заработная плата, і як можна паўплываць на тое, каб яе   павялічыць. Прысутнаму на прыёме дырэктару Завода газетнай паперы Юрыю   Луку дадзена даручэнне дэталёва разабрацца з арганізацыяй працы кіроўцаў у   даччынай транспартнай кампаніі і праінфармаваць канцэрн і заяўніка.

   На сустрэчы з працоўным калектывам была закранутая тэма беларускіх   брэндаў на міжнароднай арэне. Наша краіна вядомая не толькі як   агульнапрызнаная міратворчая пляцоўка або надзейны партнёр у галіне   міжнародных адносін. Яна славіцца сваімі брэндамі, прызнанымі далёка за яе   межамі. У кожнай сферы можна вылучыць брэнд і не адзін. За кожнай з іх –   нястомная праца беларусаў, іх ініцыятыва і крэатыўнасць, а таксама   падтрымка  з боку дзяржавы і асабіста Прэзідэнта Рэспублікі Беларусь А. Р.   Лукашэнкі.

  Шмат брэндаў і сістэме канцэрна "Белляспаперпрам". Гэта вядомыя вытворцы драўняных пліт, мэблі, цэлюлозы, паперы і кардона. І гэтыя брэнды трэба развіваць і прасоўваць на міжнароднай арэне. Прадукцыя прадпрыемстваў канцэрна экспартуецца амаль у 70 краін. Яна пастаўляецца на ўсе кантыненты. Гэта служыць доказам таго, што прадукцыя нашай галіны высокай якасці і не саступае ў канкурэнтнай барацьбе іншым вытворцам.

   Міхаіл Касько таксама звярнуў увагу на тое, што нам самім   трэба быць патрыётамі сваёй прадукцыі, сваіх брэндаў. Трэба   любіць вынік сваёй працы і тады ён будзе цікавы і іншым.

   На сустрэчы таксама былі закранутыя пытанні развіцця   цэлюлозна-папяровай вытворчасці, сітуацыі на рынку і ролі   прадпрыемстваў канцэрна на ім.

   Не засталіся без увагі і пытанні забеспячэння прадпрыемстваў   канцэрна драўнянай сыравінай. З боку спажыўцоў сыравіны ёсць   шмат пытанняў да яго пастаўшчыкам. Гэта датычыцца якасці і   ўмоў аплаты і пастаўкі.

  Надзённай праблемай для завода застаецца дэфіцыт кадраў.   Сёння прадпрыемства адчувае недахоп кваліфікаваных   спецыялістаў у сферы папяровай вытворчасці як сярэдняга, так і   вышэйшага звяна. Вырашана гэтае пытанне абмеркаваць з   Беларускім дзяржаўным тэхналагічным універсітэтам, які з'яўляецца галоўнай кузняй кадраў для нашай галіны. Акрамя таго, старшыня канцэрна акцэнтаваў увагу кіраўніцтва завода на тым, што трэба больш актыўна займацца прафарыентацыяй школьнікаў і прымяняць магчымасці мэтавай падрыхтоўкі спецыялістаў. 

   Сустрэча прайшла ў канструктыўным ключы, актыўным дыялогу, было   закранута  шмат важных тэм. Падчас сустрэчы па шэрагу пытанняў былі   выпрацаваныя рашэнні, якія павінны зняць праблемы, якія ўтварыліся.

  У гэты ж дзень былі разгледжаны пытанні рэалізацыі інвестыцыйных праектаў   на  заводзе газетнай паперы і папяровай фабрыцы «Спартак». Усе працы па   праектах цяпер у актыўнай фазе. Да канца бягучага года яны павінны быць   завершаны.

 Прэс-служба канцэрна "Белляспаперпрам"

17.07.2020 17:04