У Добрушы прайшлі мерапрыемствы, прымеркаваныя да 150-годдзя папяровай фабрыкі. Як гэта было?

19 верасня ў г. Добрушы адбылася вялікая падзея. Добрушская папяровая фабрыка "Герой працы" адзначыла напярэдадні прафесійнага свята - Дня работнікаў лесу 150-гадовы юбілей. Павіншаваць калектыў прыйшлі ганаровыя госці, ветэраны, былыя кіраўнікі фабрыкі, калегі і партнёры.

У гонар юбілею была закладзена памятная алея, адкрыты музей фабрыкі, адбылася экскурсія гасцей на новую вытворчасць, прайшоў турнір па міні-футболе сярод каманд прадпрыемстваў канцэрна «Белляспаперпрам» Гомельскай вобласці, у якім перамагла каманда Светлагорскага ЦКК. Вядома ж, адбыліся ўрачыстая цырымонія ўзнагароджання лепшых работнікаў і яркі святочны канцэрт.

У зале сабраліся не толькі работнікі і ветэраны фабрыкі, але і многія кіраўнікі і работнікі іншых прадпрыемстваў канцэрна. Прысутнічалі і ганаровыя госці: старшыня Гомельскага абласнога выканаўчага камітэта Генадзь Салавей, міністр энергетыкі Віктар Каранкевіч, старшыня Добрушскага райвыканкама Дзмітрый Козел, генеральны дырэктар Нацыянальнага мастацкага музея, заслужаны дзеяч мастацтваў Рэспублікі Беларусь, кандыдат мастацтвазнаўства Уладзімір Пракапцоў, старшыня Саюза мастакоў Беларусі Глеб Отчык, старшыня Беларускага прафсаюза работнікаў лесу і прыродакарыстання Чэслава Гоева, прадстаўнікі Беларускага дзяржаўнага тэхналагічнага ўніверсітэта, шэрагу сумежных галін і многія-многія іншыя.

    Глядзець відэа 1

    Глядзець відэа 2

    Глядзець відэа 3

    Глядзець фотарэпартаж

    Чытаць артыкул

22.09.2020 12:21