Прадпрыемствы канцэрна "Белляспаперпрам" забяспечылі за студзень-жнівень рост аб'ёмаў вытворчасці і рэалізацыі прадукцыі.

Усе прадпрыемствы працуюць стабільна і забяспечаны замовамі. За 8 месяцаў бягучага года аб'ём вытворчасці прадукцыі прамысловасці па арганізацыях канцэрна вырас у параўнанні з аналагічным перыядам мінулага года на 2,5% і перавысіў 1,2 млрд. рублёў. З агульнага аб'ёму вырабленай прадукцыі 74,6% рэалізавана на знешнія рынкі. Такім чынам, дасягнуты гістарычны максімум экспарту ў аб'ёме вытворчасці прадпрыемстваў канцэрна.

На экспарт пастаўлена прадукцыі на 382 млн.$, што на 0,6% больш, чым за аналагічны перыяд мінулага года. Пасля падзення ў красавіку-маі бягучага года актыўнасці на знешніх рынках з-за пандэміі каронавіруса прадпрыемствам удалося аднавіць станоўчую дынаміку росту экспарту, і праца ў гэтым кірунку актыўна працягваецца. Варта адзначыць, што з красавіка паказчык па тэмпу росту экспарту падняўся на 5 працэнтных пунктаў з 95,6% (за студзень-красавік) да 100,6% да студзеня-жніўня мінулага года.

Больш за 50% з агульнага аб'ёму экспарту прадукцыі адгружаецца ў краіны далёкага замежжа, з іх 34,2% прыпадае на краіны Еўрапейскага Саюза. Планамерна расце экспарт на новыя і геаграфічна аддаленыя рынкі збыту. Так, у Кітай рэалізавана прадукцыі на 47,4 млн.$, што ў 1,5 разы больш, чым за аналагічны перыяд мінулага года. Больш чым у 2 разы выраслі адгрузкі ў Швейцарыю, Турцыю, Індыю, Гану і Інданезію. Нарошчваецца экспарт у Аўстрыю, Германію, Фінляндыю, Люксембург, Сербію, Канаду, ЗША і іншыя краіны.

У цэлым геаграфія экспартных паставак прадпрыемстваў канцэрна ахоплівае больш за 60 краін. Сярод найбольш буйных рынкаў збыту Расія, Польшча, Кітай, Украіна і Літва.

Па канцэрне забяспечваецца аптымальнае размеркаванне экспарту на рынках ЕАЭС, Еўрапейскага Саюза і краін далёкай дугі. На іх прыходзіцца 35,2%, 34,2% і 30,6% паставак адпаведна.

Станоўчая дынаміка ў прадпрыемстваў канцэрна і па іншых паказчыках сацыяльна-эканамічнага развіцця. Сярэднямесячная заработная плата за студзень-жнівень да ўзроўню васьмі месяцаў мінулага года вырасла на 7% і перавысіла 980 рублёў. Выконваецца таксама каэфіцыент суадносін тэмпаў росту прадукцыйнасці працы і заработнай платы. За 8 месяцаў ён склаў 1,03.
Рэнтабельнасць рэалізаванай прадукцыі за восем месяцаў у цэлым па прадпрыемствах канцэрна склала 8,3%. Пры гэтым у шэрагу прадпрыемстваў гэты паказчык дасягае ад 15% да 30% і вышэй. Сярод высокарэнтабельных прадпрыемстваў ААТ "Светлагорскі ЦКК", ААТ "Івацэвічдрэў", ААТ "Папяровая фабрыка "Спартак", ААТ "Слонімскі кардонна-папяровы завод "Альберцін", ТАА "Зеленаборскае" і многія іншыя.

Выкананы паказчыкі дзяржпраграм «Энергазберажэнне» і «Беларускі лес», удзельнай вазе адгружанай інавацыйнай прадукцыі ў агульным аб'ёме адгружанай прадукцыі прамысловымі арганізацыямі і іншыя даведзеныя канцэрну паказчыкі сацыяльна-эканамічнага развіцця галіны.

Прэс-служба канцэрна "Белляспаперпрам"

05.10.2020 12:28