Дрэваапрацоўчая галіна краіны працуе стабільна. Пра гэта ў інтэрв'ю ІД «Беларусь сёння» распавёў старшыня канцэрна «Белляспаперпрам» Міхаіл Касько.

Паводле яго слоў, прадпрыемства ўпэўнена нарошчваюць аб'ёмы вытворчасці і экспарту.

– За дзесяць месяцаў года ў цэлым па канцэрну аб'ёмы прамысловай вытворчасці выраслі ў параўнанні з аналагічным перыядам мінулага года на 3 працэнты. Экспарт перавысіў леташні ўзровень на 1,7 працэнтаў і склаў 486,8 мільёнаў долараў. На знешнія рынкі мы пастаўляем амаль 75 працэнтаў вырабленай прадукцыі, гэта больш за 50 розных відаў тавараў.

Паводле яго слоў, аснову экспарту складаюць драўняныя пліты, на якія прыпадае каля 23 працэнтаў ад усяго аб'ёму экспарту.

- Геаграфія паставак ахоплівае 66 краін. Больш за палову прадукцыі адгружаецца ў краіны далёкага замежжа. У іх ліку, напрыклад, Аўстрыя, Германія, Італія, Вялікабрытанія, Францыя, Іран, Турцыя, ААЭ, Канада, Мексіка, Шры-Ланка.

У цэлым, як адзначыў Міхаіл Касько, размеркаванне рынкаў збыту збалансаванае.

- Мы не залежым ад нейкага аднаго з іх. Яны размеркаваліся прыкладна ў роўных прапорцыях. ЕАЭС – 35,2 працэнта, Еўразвяз – 34,2 працэнта і краін «далёкай дугі» – 30,6 працэнтаў. Думаю, менавіта гэты баланс шмат у чым адыграў станоўчую ролю ў захаванні адноснай устойлівасці экспарту на фоне вясновай сітуацыі, звязанай з пандэміяй каронавіруса.

Крыніца: https://www.sb.by/

24.11.2020 12:32