Старшыня канцэрна "Белляспаперпрам" Міхаіл Касько павіншаваў работнікаў галіны з надыходзячымі святамі.

Паважаныя работнікі лясной, дрэваапрацоўчай і цэлюлозна-папяровай прамысловасці,
калегі і ветэраны галіны, сябры!

Шчыра віншую вас з надыходзячымі святамі - Новым 2021 годам і Калядамі Хрыстовымі!

Завяршаецца яшчэ адзін працоўны год у гісторыі арганізацый канцэрна "Белляспаперпрам". Перад працоўнымі калектывамі стаялі задачы нарошчвання аб'ёмаў вытворчасці і рэалізацыі прадукцыі, павышэння эканамічнага эфекту ад вытворчай дзейнасці і ўмацавання кадравага патэнцыялу галіны.

Прыемна, падводзячы вынікі года, адзначыць, што галіна завяршае яго са станоўчымі вынікамі працы. Год быў, вядома, не просты, нам былі кінутыя новыя выклікі, новыя выпрабаванні, выкліканыя эпідэміялагічнай сітуацыяй у свеце. Але, трэба сказаць, мы зрабілі ўсё для таго, каб мінімізаваць свае рызыкі: захавалі стабільную, бесперапынную працу ўсіх вытворчасцяў, забяспечылі збыт прадукцыі на шматлікіх сусветных рынках, не спыніліся ў рэалізацыі намечаных планаў па стварэнні новых вытворчасцяў і мадэрнізацыі дзеючых.

2020 год запомніцца ў гісторыі нашай галіны шэрагам знакавых падзей. У самым пачатку года ўведзены ў эксплуатацыю завод сульфатнай беленай цэлюлозы на Светлагорскім ЦКК, а ў завяршэнне года на прадпрыемстве асвоена і вытворчасць віскознай цэлюлозы. Вытворчасць новага віду прадукцыі ў рамках рэалізацыі інвестыцыйнага праекта асвоена і на заводзе газетнай паперы, дзе ўведзена ў эксплуатацыю абсталяванне, якое дазваляе выпускаць паперу-аснову для дэкаратыўных абліцавальных матэрыялаў. Папяровая фабрыка "Спартак" рэалізавала праект па рэканструкцыі абсталявання папяровай машыны, павялічыўшы тым самым свой макулатураперапрацоўчы патэнцыял.
Магутны энергетычны комплекс і найбуйнейшы мэблевы магазін зарабілі ў холдынгу "Пінскдрэў". Новы мэблевы цэх пачаў сваю працу ў "Івацэвічдрэў". Працягнулі развівацца і мадэрнізавацца і іншыя прадпрыемствы галіны.

Шэраг прадпрыемстваў адзначылі юбілейныя даты ў сваёй гісторыі, сярод іх і найстарэйшая Добрушская папяровая фабрыка "Герой працы". Яе 150-годдзе стала адной з самых маштабных і яркіх падзей года.

І хай гэты адыходзячы год запомніцца ўсім нам менавіта гэтымі добрымі і значнымі падзеямі. Таксама важна, што 2020 год навучыў нас быць мацней, шанаваць простыя, але такія важныя складнікі нашага жыцця, як здароўе родных і блізкіх, дабрабыт і добрыя адносіны, мір і стабільнасць, упэўненасць у заўтрашнім дні і ўсмешкі нашых дзяцей.

Я дзякую ўсіх работнікаў арганізацый канцэрна, нашых калег і партнёраў, ветэранаў і маладых спецыялістаў за той уклад, які вы ўносіце ў развіццё нашай галіны, яе ўмацаванне і патэнцыял. Без вашай самаадданай і добрасумленнай працы не было б тых поспехаў і дасягненняў, якімі сёння мы можам ганарыцца.

Упэўнены, шматгадовы вопыт і адданасць спецыялістаў сваёй справе дазволяць нам і ў будучым годзе вырашаць самыя складаныя задачы і дасягаць пастаўленых мэтаў.

Ад усёй душы хачу пажадаць усім, хто звязаў свой лёс з лясной, дрэваапрацоўчай і цэлюлозна-папяровай прамысловасцю, каб вашы надзеі спраўджваліся, цяжкасці і нягоды заставаліся ззаду, каб на жыццёвым шляху вас суправаджалі верныя сябры і паплечнікі. Міру на зямлі і ў душы, шчасця, дабрабыту, моцнага здароўя вам і вашым блізкім!

З Новым годам!

Старшыня канцэрна "Белляспаперпрам»
Міхаіл КАСЬКО

30.12.2020 10:40