Прадпрыемствы канцэрна "Белляспаперпрам" сталі пераможцамі і прызёрамі штогадовай прэміі спажывецкага прызнання "Народная марка".
Вынікі гэтага прэстыжнага конкурсу былі падведзены нядаўна ў Мінску.

Пераможцам прэміі "Народная марка" ў намінацыі "Нехарчовыя тавары" стала ЗАТ «Холдынгавая кампанія "Пінскдрэў" адразу ў дзвюх секцыях: "Вытворца мяккай мэблі" і "Вытворца корпуснай мэблі".

Прызёрамі ў гэтай жа намінацыі сталі: ЗАТ "Маладзечнамэбля" таксама ў дзвюх секцыях "Вытворца мяккай мэблі" і "Вытворца корпуснай мэблі", а таксама ААТ «Мастоўдрэў» у секцыі "Падлогавыя пакрыцці".

Адзначаныя гэтай прэстыжнай прэміяй прадпрыемствы па праве з'яўляюцца і лідарамі ў сістэме канцэрна "Белляспаперпрам". Прадукцыя гэтых вытворцаў шырока вядомая, і карыстаецца высокім попытам не толькі на беларускім рынку, але і далёка за яго межамі.

Абноўленае высокатэхналагічнае абсталяванне, якасныя матэрыялы, камплектуючыя і сыравіна, прафесійныя, вопытныя кадры - гэта тыя складнікі, якія дазваляюць прадпрыемствам дамагацца такога поспеху і прызнання ў шматлікіх спажыўцоў.

Прысуджэнне прэміі "Народная Марка" ўжо стала добрай традыцыяй, якая адзначае завяршэнне года і старт новага сезона для прадпрыемстваў прэстыжнымі ўзнагародамі, якія з'яўляюцца доказам паспяховай працы на рынку – знакам народнай любові і прызнання. У мінулым годзе маркетынг прадпрыемстваў сутыкнуўся з новымі выклікамі, якія суправаджаліся падзеннем бюджэтаў і іншымі ўзрушэннямі. Тым каштоўней стала прызнанне спажыўцоў, якія аддалі сваё перавагі брэндам.

У прэміі "Народная Марка" няма прафесійнага журы – выключна спажыўцы з 15 ліпеня па 15 кастрычніка 2020 рабілі выбар на карысць лепшых, на сваю думку, брэндаў і вырашалі, якія вытворцы вартыя ганаровага статусу народнай любові і прызнання «Народная Марка».

Выказаць падтрымку любімым брэндам і вытворцам жыхары Беларусі маглі па анкетах, якія былі даступныя ўсім жадаючым – прадстаўнікам усіх абласцей і рэгіёнаў. Анкеты ў трох катэгорыях - харчовыя тавары, нехарчовыя тавары і паслугі - былі даступныя для запаўнення як у друкаваных выданнях краіны, агульны тыраж якіх склаў звыш 3 млн. экз, так і анлайн на афіцыйным сайце прэміі narodnayamarka.by. Агульная колькасць галасоў, атрыманых арганізатарамі прэміі за тыя ці іншыя брэнды, склала 338 350.

Анкеты прэміі не прапаноўвалі падказак у выглядзе варыянтаў адказу - у кожнай з намінацый удзельнікі галасавання самастойна паказвалі назву толькі аднаго, лепшага на свой погляд, брэнда або вытворцы, прадукцыі якога давяраюць больш за ўсё. За ходам правядзення і падвядзення вынікаў прэміі сачыў Наглядальны савет.

Віншуем нашых пераможцаў і прызёраў!

21.01.2021 10:58