Уведзены дзяржзаказ на сыравіну для макулатуперапрацоўчых прадпрыемстваў канцэрна
Вызначаны аб'ём дзяржаўнага заказу на пастаўку ў 2021 годзе адходаў паперы і кардона ў адрас айчынных перапрацоўчых прадпрыемстваў.
Згодна з пастановай Савета Міністраў Рэспублікі Беларусь ад 27 студзеня 2021 года №41 у 2021 годзе пастаўшчыкі - юрыдычныя асобы, іх адасобленыя падраздзяленні, якія ажыццяўляюць збор (нарыхтоўку) адходаў паперы і кардона ў працэсе гаспадарчай дзейнасці якіх утвараюцца такія адходы, павінны забяспечыць пастаўку названых адходаў перапрацоўчым прадпрыемствам у аб'ёме зацверджанага дзяржаўнага заказу. На 2021 год гэта 257,5 тыс. тон адходаў паперы і кардона, што на 6 тыс. тон больш, чым у мінулым годзе.
Дзяржаўнымі заказчыкамі на пастаўку (нарыхтоўку, здачу) для рэспубліканскіх дзяржаўных патрэб адходаў паперы і кардона вызначаны Беларускі вытворча-гандлёвы канцэрн лясной, дрэваапрацоўчай і цэлюлозна-папяровай прамысловасці («Белляспаперпрам») і якія ўваходзяць у яго склад арганізацыі, якія спецыялізуюцца на вытворчасці кардонна-папяровай прадукцыі, а таксама некалькі іншых арганізацый з гэтай сферы.
Для спецыялізаваных перапрацоўчых прадпрыемстваў канцэрна "Белляспаперпрам" адходы паперы і кардона з'яўляюцца асноўнай, стратэгічнай сыравінай. Іх вытворчыя праграмы і абсталяванне разлічаны менавіта на перапрацоўку макулатуры і атрыманне з яе розных відаў паперы, кардона і вырабаў з іх. Штогод прадпрыемствы канцэрна перапрацоўваюць каля 300 тыс. тон макулатуры. Акрамя сыравіны па дзяржзаказе, прадпрыемствы дакупляюць дадатковыя аб'ёмы макулатуры ў камерцыйных структур.
Перапрацоўваючы адходы паперы і кардона, прадпрыемствы вырабляюць шырокі асартымент імпартазамяшчальнай і экспартнай кардонна-папяровай прадукцыі. Больш за 80% гэтай прадукцыі пастаўляецца на экспарт на рынкі 40 краін.
Безумоўна, арганізацыя перапрацоўкі адходаў паперы і кардона на айчынных прадпрыемствах і экспарт ужо гатовай прадукцыі з дабаўленай вартасцю, а не сыравіны, значна больш выгадна, як для перапрацоўчых прадпрыемстваў, так і для дзяржавы ў цэлым.
Увядзенне дзяржаўнага заказу на пастаўку адходаў паперы і кардона ў адрас айчынных перапрацоўчых прадпрыемстваў садзейнічае павышэнню эфектыўнасці сістэмы збору і перапрацоўкі другаснай сыравіны ў краіне і забеспячэнню стабільнага функцыянавання прадпрыемстваў цэлюлозна-папяровай галіны рэспублікі, у тым ліку шляхам зніжэння іх залежнасці ад імпарту сыравіны.
Акрамя таго, з мэтай стымулявання арганізацый, якія ажыццяўляюць збор і пастаўку макулатуры на айчынныя прадпрыемствы, пастановай Савета Міністраў Рэспублікі Беларусь ад 27 студзеня 2021 года №47 устаноўлены пэўныя памеры кампенсацыі выдаткаў па зборы на тэрыторыі Рэспублікі Беларусь адходаў паперы і кардона. Так, устаноўлены памер кампенсацыі юрыдычным асобам і індывідуальным прадпрымальнікам расходаў па зборы на тэрыторыі Рэспублікі Беларусь адходаў папяровай і (або) кардоннай упаковак, атрыманых з адходаў вытворчасці і перададзеных для выкарыстання на тэрыторыі Рэспублікі па дагаворах пастаўкі тавараў у рамках дзяржзаказу. Ён складзе 90 рублёў за тону.
Прэс-служба канцэрна "Белляспаперпрам"
28.01.2021 12:53
