Лесапрамысловы комплекс краіны на чацвёртым Усебеларускім народным сходзе ўяўляюць кіраўнікі профільных ведамстваў і прадпрыемстваў галіны.

Сёння на VI Усебеларускім народным сходзе Прэзідэнт неаднаразова гаварыў аб патэнцыяле і задачах дрэваапрацоўчай галіны. Кіраўнік дзяржавы адзначыў, што ўкладзеныя калі-та ў мадэрнізацыю дрэваапрацоўкі сродкі сябе апраўдалі, захаваны і дадаткова створаны тысячы працоўных месцаў. Галіна працуе стабільна, планамерна прырастае ў аб'ёмах вытворчасці, паспяхова рэалізуе сваю прадукцыю на знешніх рынках і з упэўненасцю глядзіць у будучыню.

Аляксандр Лукашэнка падкрэсліў, што галіны, праца якіх заснавана на мясцовай сыравіне, закліканы стаць драйверамі росту ў эканоміцы краіны. Задача - уцягнуць у абарот усё, што маем, распарадзіцца рэсурсам па-гаспадарску.

У дрэваапрацоўчай і цэлюлозна-папяровай галінах ужо рэалізаваны шэраг праектаў па стварэнню новых вытворчасцей, наперадзе новыя задачы.

Стратэгічнай мэтай развіцця галіны на перыяд да 2025 года з'яўляецца стварэнне ўстойлівых, эканамічна эфектыўных, канкурэнтаздольных, інавацыйных цэлюлозна-папяровых, дрэваапрацоўчых і мэблевых вытворчасцей, арыентаваных на рост выпуску прадукцыі, якая адпавядае па якасных параметрах сусветным стандартам, нарошчванне экспартнага патэнцыялу, стварэнне высокапрадукцыйных працоўных месцаў, павелічэнне прадукцыйнасці працы па дабаўленаму кошту.

Перспектыўнымі напрамкамі развіцця галіны будуць з'яўляцца стварэнне ў г. Івацэвічы кластара вытворцаў мэблі з арыенцірам на еўрапейскі рынак (на больш чым 1000 працоўных месцаў), новых перапрацоўчых магутнасцяў цэлюлозна-папяровай вытворчасці, у тым ліку па выпуску папяровай упаковачнай прадукцыі. Усе праекты разлічаны на комплекснае выкарыстанне наяўнага ў краіне драўнянага рэсурсу.

Асновай якаснага пераўтварэння лесаперапрацоўчага комплексу стануць выкарыстанне прагрэсіўных тэхналогій, укараненне новых відаў прадукцыі на аснове глыбокай перапрацоўкі мясцовых сыравінных рэсурсаў, павелічэнне выпуску прадукцыі з драўніны з больш высокім аб'ёмам дабаўленай вартасці.

На фота: старшыня канцэрна "Белляспаперпрам" Міхаіл Касько і міністр лясной гаспадаркі Віталь Дрожжа разам з дэлегатамі прадпрыемстваў канцэрна - кіраўнікамі прадпрыемстваў.

11.02.2021 16:34