Сёння старшыня канцэрна «Белляспаперпрам» Міхаіл Касько здзяйсняе рабочую паездку ў Гомельскую вобласць.

На парадку дня разгляд ходу выканання работ па падрыхтоўцы ўводу ў эксплуатацыю вытворчасці мелаваных і немелаваных відаў кардона на базе Добрушскай папяровай фабрыкі «Герой працы».

На новай вытворчасці будуць выпускацца мелаваныя і немелаваныя віды трохслаёвага кардона ў аб'ёме каля 200 тыс. тон у год.
Гэта дазволіць скараціць імпарт такой прадукцыі і забяспечыць у поўнай меры патрэбнасці харчовай, лёгкай, медыцынскай і паліграфічнай прамысловасці рэспублікі, якія выкарыстоўваюць такія віды кардона для ўпакоўкі сваёй прадукцыі.

На перспектыву ў дадатак да вытворчасці кардона прапрацоўваецца магчымасць стварэння ў Добрушы перапрацоўчых і паліграфічных магутнасцяў з мэтай арганізацыі выпуску на тэрыторыі Рэспублікі гатовых вырабаў з кардона. У цяперашні час прапрацоўваюцца аб'ёмы і крыніцы неабходных інвестыцый на рэалізацыю такіх праектаў.

Прэс-служба канцэрна "Белляспаперпрам"

18.03.2021 13:01