Прадукцыя холдынгу "Беларускія шпалеры" прадстаўлена на 26-й Міжнароднай выставе будаўнічых і аздобных матэрыялаў MosBuild, якая адкрылася сёння ў Маскве.

Шпалеры пад брэндамі «Гомельшпалеры» і «Белабоі», якія вырабляе холдынг «Беларускія шпалеры» (прадпрыемства холдынгу ААТ "ЦБК-Кансалт") рэалізуюцца як на ўнутраным рынку, так і на экспарт у 14 краін.

Выпускаюцца шпалеры папяровыя цісненыя, цісненыя дуплекс, успененыя з акрылавай фарбай, водатрывалыя, гафрыраваныя, маталізаваныя; шпалеры вінілавыя рэльефныя, гарачага ціснення і успененыя; шпалеры флізелінавыя.

Наяўнасць цэха па вырабе друкаваных формаў, добра падрыхтаваных мастакоў дазваляе рэгулярна мяняць дызайн, распрацоўваць і вырабляць формы для аздаблення і дэкарыравання шпалер. Сёння ў калекцыі прадпрыемства каля трохсот малюнкаў, кожны месяц з'яўляецца восем-дзесяць новых малюнкаў.

Акрамя таго, выпускаюцца шпалеры ў бабінах будаўнічыя і метаспан.

    Лідзіруючыя пазіцыі ў сваёй галіне холдынг "Беларускія шпалеры"   падмацоўвае тэхналагічнымі перавагамі, высокай якасцю прадукцыі і   шырокім асартыментам, які дае магчымасць шырокага выбару спажыўцам.   Надае вялікую ўвагу экалагічнасці прадукцыі на ўзроўні сыравіны,   тэхналогій і эксплуатацыі. Прадукцыя мае міжнародны сертыфікат FSC.

   Выстава MosBuild з'яўляецца самай буйной у Расіі міжнароднай выставай   будаўнічых і аздобных матэрыялаў. Яна пройдзе з 30 сакавіка па 2   красавіка 2021 года ў МВЦ "Крокус Экспа".

  Удзел у MosBuild - гэта магчымасць непасрэдных зносін з больш чым           77 000   патэнцыяльнымі кліентамі з усёй Расіі і іншых краін. Удзел са   стэндам дазволіць прадэманстраваць усю лінейку прадукцыі кампаніі   шырокай мэтавай аўдыторыі, павялічыць аб'ёмы і геаграфію продажаў,   сабраць базу лідаў, правесці канкурэнтны аналіз і ацаніць адпаведнасць   прадукцыі попыту. І, вядома ж, знайсці новых партнёраў.

 Прэс-служба канцэрна "Белляспаперпрам"

30.03.2021 16:33