Старшыня канцэрна "Белляспаперпрам" Міхаіл Касько павіншаваў работнікаў галіны з 30-годдзем з дня ўтварэння канцэрна.

Паважаныя ветэраны і работнікі арганізацый канцэрна "Белляспаперпрам"!
Дарагія сябры!

Віншую вас з 30-годдзем з дня ўтварэння Беларускага вытворча-гандлёвага канцэрна лясной, дрэваапрацоўчай і цэлюлозна-папяровай прамысловасці!

Гэтую святочную дату мы адзначаем з высокімі дасягненнямі, упэўненасцю ў сённяшнім і заўтрашнім дні!

За тры дзясяткі гадоў сфарміравана моцная, самадастатковая і эфектыўная галіна, якая, маючы высокі тэхналагічны ўзровень і прафесійны кадравы склад, забяспечвае рацыянальную, комплексную глыбокую перапрацоўку самага галоўнага прыроднага багацця Беларусі – лясных рэсурсаў.

Вызначальным у лёсе галіны стаў 2007 год, калі кіраўніком дзяржавы было прынята рашэнне аб масштабнай мадэрнізацыі прадпрыемстваў канцэрна. З гэтага моманту пачалося сапраўднае адраджэнне галіны. Праз 5-10 гадоў у сістэме канцэрна зарабіла больш за дзесятак высокатэхналагічных дрэваапрацоўчых, цэлюлозна-папяровых і мэблевых прадпрыемстваў. У наступныя гады ў гэтыя працэсы былі ўцягнутыя практычна ўсе арганізацыі галіны. І жыццё паказала правільнасць выбранага курсу на тэхнічнае пераўзбраенне дзеючых вытворчасцяў і стварэнне новых.
Сёння прадпрыемствы канцэрна працуюць стабільна, выпускаюць шырокі асартымент экспартнай і імпартазамяшчальнай прадукцыі, упэўнена канкуруюць з вядучымі сусветнымі вытворцамі ў 70 краінах свету.

Наперадзе - новыя праекты і новыя перспектывы. Яны датычацца ўсіх напрамкаў вытворчай дзейнасці. Мы працягнем ствараць новыя магутнасці ў цэлюлозна-папяровай і дрэваапрацоўчай прамысловасці, на больш высокі тэхналагічны ўзровень выведзем мэблевую вытворчасць з мэтай далейшага павышэння эфектыўнасці перапрацоўкі драўнянай сыравіны ў краіне.

Перакананы, што нам па сілах рэалізаваць усе задуманыя праекты і атрымаць належны эфект для кожнага прадпрыемства і галіны ў цэлым.
Карыстаючыся выпадкам, выказваю падзяку кіраўнікам і спецыялістам сумежных галін - лясной гаспадаркі, энергетыкі, прамысловага комплексу, устаноў адукацыі, навукоўцам і многім-многім іншым, хто на працягу ўсёй нашай гісторыі ўносіў і ўносіць істотны ўклад у працу дрэваапрацоўчай галіны, аказвае ўсялякую падтрымку і садзейнічае яе развіццю.

Ад усёй душы жадаю работнікам арганізацый канцэрна новых перспектыў і заваявання чарговых вышынь у працы! Хай уласцівыя вам кампетэнтнасць, працавітасць і імкненне да новага заўсёды прыносяць станоўчы вынік! Дзякую вам за працу і адданасць абранай справе! Моцнага здароўя, доўгіх гадоў жыцця, шчасця і дабрабыту!

Старшыня канцэрна
"Белляспаперпрам»
Міхаіл Касько

26.04.2021 10:58