Нагрудным знакам адрознення канцэрна "Белляспаперпрам" "За асабісты ўклад у развіццё галіны" адзначаны работнікі апарата канцэрна.

Уручэнне высокіх узнагарод адбылося сёння на сходзе працоўнага калектыву з нагоды 30-годдзя з дня ўтварэння канцэрна.

Старшыня канцэрна Міхаіл Касько зачытаў работнікам апарата канцэрна віншавальныя адрасы ад Прэзідэнта Рэспублікі Беларусь і Урада Рэспублікі Беларусь, а таксама павіншаваў ад сябе асабіста.

Ён адзначыў, што гэтую святочную дату мы адзначаем з высокімі дасягненнямі, упэўненасцю ў сённяшнім і заўтрашнім дні!

За тры дзясяткі гадоў сфарміравана моцная, самадастатковая і эфектыўная галіна, якая, маючы высокі тэхналагічны ўзровень і прафесійны кадравы склад, забяспечвае рацыянальную, комплексную глыбокую перапрацоўку самага галоўнага прыроднага багацця Беларусі – лясных рэсурсаў.

Вызначальным у лёсе галіны стаў 2007 год, калі кіраўніком дзяржавы было прынята рашэнне аб маштабнай мадэрнізацыі прадпрыемстваў канцэрна. З гэтага моманту пачалося сапраўднае адраджэнне галіны. І жыццё паказала правільнасць выбранага курсу на тэхнічнае пераўзбраенне дзеючых вытворчасцяў і стварэнне новых.

  Сёння прадпрыемствы канцэрна працуюць стабільна,   выпускаюць шырокі асартымент экспартнай і   імпартазамяшчальнай прадукцыі, упэўнена канкуруюць з   вядучымі сусветнымі вытворцамі ў 70 краінах свету.

  Старшыня канцэрна падкрэсліў, што наперадзе - новыя   праекты і новыя перспектывы. Яны датычацца ўсіх   напрамкаў вытворчай дзейнасці. Мы працягнем ствараць   новыя магутнасці ў цэлюлозна-папяровай і   дрэваапрацоўчай прамысловасці, на больш высокі   тэхналагічны ўзровень выведзем мэблевую вытворчасць з   мэтай далейшага павышэння эфектыўнасці перапрацоўкі   драўнянай сыравіны ў краіне.

  "Перакананы, што нам па сілах рэалізаваць усе   задуманыя  праекты і атрымаць належны эфект для   кожнага прадпрыемства і галіны ў цэлым, - сказаў Міхаіл   Касько. - Ад усёй душы жадаю работнікам арганізацый   канцэрна новых перспектыў і заваявання чарговых   вышынь у працы! Хай уласцівыя вам кампетэнтнасць,   працавітасць і імкненне да новага заўсёды прыносяць   станоўчы вынік! Дзякую вам за працу і адданасць абранай   справе! Моцнага здароўя, доўгіх гадоў жыцця, шчасця і   дабрабыту!».

  Узнагародны знак адрознення канцэрна "За асабісты     ўклад у развіццё галіны" ўручаны:

БЛІЗНЮК Алене Іванаўне, начальніку ўпраўлення эканомікі і прагназавання канцэрна "Белляспаперпрам", за высокае прафесійнае майстэрства, бездакорную добрасумленную працу, унясенне вялізнага асабістага ўкладу ў развіццё галіны і павышэнне эфектыўнасці вытворчасці;

НАВІЦКАЙ Ружэне Яўгенаўне, начальніку ўпраўлення інфармацыйных тэхналогій і сувязяў з грамадскасцю канцэрна "Белляспаперпрам" , за заслугі і дасягненні ў сацыяльна-культурнай, грамадскай, і іншых сферах, накіраваныя на ўзняцце іміджу галіны, актыўны ўдзел у арганізацыі і правядзенні значных для галіны мерапрыемстваў і кампаній, праяўленыя пры гэтым ініцыятыву, творчы падыход і высокі прафесіяналізм;

ЦЫБУЛЬКА Таццяне Аляксандраўне, начальніку фінансава-эканамічнага ўпраўлення канцэрна "Белляспаперпрам", за актыўны ўдзел у падрыхтоўцы і ўзгадненні Указаў Прэзідэнта Рэспублікі Беларусь, накіраваных на рэалізацыю інвестыцыйных праектаў, перадавыя і інавацыйныя рашэнні, якія прадстаўляюць інтарэс для галіны, а таксама за распрацоўку праектаў нарматыўных прававых актаў па пытаннях, звязаных з дзейнасцю галіны.

Словы віншавання ад працоўнага калектыву апарата канцэрна сказаў старшыня першаснай прафсаюзнай арганізацыі Аляксандр Дзякаў.

Прэс-служба канцэрна "Белляспаперпрам"

26.04.2021 15:26