На Добрушскай папяровай фабрыцы "Герой працы" атрыманы першы трохслаёвы чыстацэлюлозны кардон.

Новы завод па вытворчасці мелаваных і немелаваных відаў шматслойнага кардона, пабудаваны ў ходзе рэалізацыі буйнога інвестыцыйнага праекта, уведзены ў эксплуатацыю.

Учора, 31 чэрвеня, адпаведнай камісіяй падпісаны акт прыёмкі абсталявання пасля комплекснага апрабавання.

Сёння, 1 чэрвеня, ААТ "Кіруючая кампанія холдынгу "Беларускія шпалеры", філіялам якога з'яўляецца Добрушская фабрыка, падпісаны загад аб уводзе аб'екта ў эксплуатацыю. Зараз праводзяцца работы па стабілізацыі тэхналагічных рэжымаў і абсталявання з выхадам на якасныя паказчыкі гатовай прадукцыі.

Старшыня канцэрна «Белляспаперпрам» Міхаіл Касько па гэтай нагоды накіраваў працоўнаму калектыву віншавальную тэлеграму.

"Паважаны Аляксандр Уладзіміравіч, паважаныя работнікі фабрыкі!
Віншую Вас з падпісаннем акта ўводу ў эксплуатацыю вытворчасці мелаваных і немелаваных відаў кардона!
Дзякуючы вашым намаганням, вопыту, мэтанакіраванасці, прафесійнаму садзейнічанню з боку падрадных арганізацый, спецыялістаў сумежных галін і падтрымцы кіраўнікоў высокага дзяржаўнага ўзроўню праект паспяхова завершаны.
Ўдалага старту і поспехаў у дасягненні ўсіх пастаўленых мэтаў!",- гаворыцца ў тэлеграме.

Пабудаваны завод будзе выпускаць абсалютна новы прадукт для Беларусі. Мелаваныя і немелаваные віды шматслойнага кардона з'яўляюцца вельмі запатрабаваным у вытворцаў упакоўкі. Яго выкарыстоўваюць, напрыклад, для ўпакоўкі лекавых прэпаратаў, касметыкі, цыгарэт, шматлікіх прадуктаў харчавання, а таксама ў паліграфіі. З'яўленне ўласнай вытворчасці такога кардона ў Беларусі адкрывае новыя магчымасці для развіцця прадпрыемстваў, якія спецыялізуюцца на вытворчасці ўпакоўкі і паліграфічнай прадукцыі. Будуць вырашаны пытанні імпартазамяшчэння, а таксама значна павялічыцца экспартны патэнцыял цэлюлозна-папяровай галіны Рэспублікі.

Праектныя магутнасці завода складаюць каля 200 тысяч тон кардону ў год. Для задавальнення патрэбаў унутранага рынку ў Беларусі будзе рэалізоўвацца каля 20% выраблянага кардона, асноўны аб'ём прадукцыі будзе прыносіць экспартную выручку.
Сыравінай для вытворчасці кардона будуць служыць цэлюлоза і драўніна асіны і бярозы.

На рэалізацыю праекта накіравана каля 350 млн. долараў ЗША, асноўная частка з якіх крэдытныя рэсурсы. Выхад на поўныя праектныя магутнасці плануецца ў 2022 годзе.

Трэба адзначыць, раней цэлюлозна-папяровая прамысловасць Беларусі характарызавалася абмежаванасцю асартыменту выпускаемай прадукцыі, што вырабляецца, у асноўным, з макулатурнай сыравіны. Асноўнымі прычынамі гэтага з'яўляліся нізкі тэхнічны ўзровень абсталявання і залежнасць ад імпарту, напрыклад, беленай цэлюлозы. Сёння ж, дзякуючы мадэрнізацыі і рэалізацыі інвестыцыйных праектаў, гэтая галіна з'яўляецца драйверам росту ўсёй дрэваапрацоўкі. За апошнія пяць гадоў прадпрыемствы цэлюлозна-папяровай прамысловасці павялічылі аб'ёмы вытворчасці ў 2,6 разы, экспарт - амаль у 2 разы.

Інвестыцыі, накіраваныя на мадэрнізацыю цэлюлозна-папяровых магутнасцяў у рэспубліцы, ужо прыносяць эфект. У бліжэйшай перспектыве, як прадугледжана Дзяржаўнай праграмай «Беларускі лес», гэтая галіна працягне рост. Вытворчасць паперы і кардона (у натуральным выражэнні) павялічыцца ў 2,1 разы, цэлюлозы - у 1,7 разы. Экспарт цэлюлозна-папяровай прадукцыі выгадуе амаль у 3 разы – да 580 млн долараў ЗША (гэта амаль аб'ём экспарту ў цэлым па канцэрне (608,5 млн долараў ЗША за 2020 г.). Больш чым у 1,2 разы знізіцца імпарт.

Прэс-служба канцэрна "Белляспаперпрам"

01.06.2021 11:01