Конкурс-пленэр майстроў разьбы па дрэве "Пераўвасабленне дрэва-2021" адбудзецца 2-9 ліпеня ў Бабруйскім раёне.

Больш за 30 віртуозаў разьбы па дрэве пазмагаюцца ў прафесійным майстэрстве і конкурсе талентаў.

Конкурс-пленэр арганізоўвае канцэрн "Белляспаперпрам" сумесна з беларускім прафсаюзам работнікаў лесу і прыродакарыстання на базе ААТ "ФанДАК" і пры падтрымцы Бабруйскай асацыяцыі прамыслоўцаў і прадпрымальнікаў.

Да ўдзелу ў конкурсе запрашаюцца пастаянныя работнікі арганізацый канцэрна "Белляспаперпрам" і лясной гаспадаркі, навучэнцы і студэнты профільных устаноў адукацыі і творчых спецыяльнасцяў, а таксама майстры разьбы па дрэве, якія працуюць самастойна альбо ў арганізацыях без ведамаснай падпарадкаванасці.

   Конкурс-пленэр праводзіцца з мэтай развіцця традыцый, павышэння   значнасці і прэстыжнасці прафесіі разьбяроў па дрэве, падтрымкі творчай   актыўнасці майстроў разьбы па дрэве, прыцягнення ўвагі да   дрэваапрацоўчай вытворчасці, выяўлення і падтрымкі таленавітых   майстроў,   развіцця экалагічнага турызму і актыўнага ладу жыцця. Ён   пройдзе ў маляўнічым лясным масіве на беразе р. Бярэзіны на базе   адпачынку "Вербкі" ў Бабруйскім раёне. На працягу тыдня майстры з усіх   куткоў Беларусі і замежныя госці будуць выконваць свае конкурсныя   работы.

    Тэма сёлетняга конкурсу - "Купальская ноч". Работы майстроў будуць   ацэньвацца ў дзвюх намінацыях.

    Першая - "Садова-паркавая скульптура (і / або лаўка)". Па ўмовах   конкурсу выраб у гэтай намінацыі павінен выконвацца з драўніны дуба.   Вышыня нарыхтоўкі, якую дадуць арганізатары конкурсу, будзе ад 150 см,   дыяметр ад 40 см. Вырабляць скульптуры неабходна бензапіламі і   стамескамі, дапускаецца аздабленне лакафарбавымі матэрыяламі.

   Другая намінацыя - "Мастацкая разьба". Для працы ў гэтай намінацыі   майстрам на выбар будзе прадастаўлена драўніна дуба або ліпы. Памер   вырабы кожны майстар абярэ сам. Дапускаецца выкарыстоўваць   спецыяльныя нажы, разакі, стамескі і іншы дробны ручны інструмент.   Вырабы таксама можна аздабляць лакафарбавымі матэрыяламі.

      У кожнай намінацыі будуць вызначаныя пераможцы і ўладальнікі 2 і 3   месцаў. Арганізатары конкурсу рыхтуюць для іх дыпломы, кубкі і прызы.   Акрамя таго, у кожнай намінацыі лепшую працу вызначаць і гледачы   шляхам галасавання. Удзельніку, які набраў за сваю працу найбольшую   колькасць галасоў, таксама будзе ўручаны дыплом і прыз глядацкіх   сімпатый. А гледачоў і гасцей на гэтым цікавым конкурсе традыцыйна   бывае   шмат. Бо майстар разьбы па дрэве  -  гэта не проста чалавек, які   выдатна валодае тэхнікай апрацоўкі драўніны, ён, вядома ж, яшчэ і мастак,   які творыць сапраўдныя творы мастацтва. Таму гэты конкурс выклікае   вялікую цікавасць не толькі ў прафесійных дрэваапрацоўшчыкаў, але і   шырокага кола людзей, якім цікава ўбачыць, як нараджаюцца ўнікальныя   скульптуры з дрэва.

    Для жадаючых убачыць працу майстроў на працягу тыдня будзе   арганізаваны спецыяльны аўтобусны маршрут з Бабруйска на базу   адпачынку «Вербкі». Тут можна будзе паназіраць, як адбываецца   пераўвасабленне дрэва ў твор мастацтва і прыемна правесці час на   прыродзе ўсёй сям'ёй. Для гэтага на базе адпачынку ёсць усе ўмовы.   Цікава   будзе і дарослым, і дзецям.

   Выстава гатовых работ удзельнікаў конкурсу і падвядзенне вынікаў   адбудзецца 9 ліпеня. Дарэчы, усе работы майстроў конкурсу пасля   ўпрыгожаць паркі і скверы беларускіх гарадоў. Завершыцца конкурс   святочным канцэртам. Запрашаюцца ўсе жадаючыя. Уваход вольны.

    Жадаючыя прыняць удзел у конкурсе могуць звярнуцца ў аргкамітэт і   падаць заяўку на ўдзел. Але зрабіць гэта трэба ў тэрмін 25 чэрвеня 2021 г.   Усе падрабязнасці можна ўдакладніць па тэлефоне арганізатараў +375 44   53 00 210 або праз электронную пошту Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду. .

  Прэс-служба канцэрна "Белляспаперпрам"

03.06.2021 10:43