Віншаванне Прэзідэнта Рэспублікі Беларусь Аляксандра Лукашэнкі з прафесійным святам для работнікаў арганізацый канцэрна "Белляспаперпрам" асабліва ганарова і адказна.

Многае, чаго дасягнулі арганізацыі канцэрна да цяперашняга часу, зроблена дзякуючы падтрымцы дзяржавы і непасрэдна Прэзідэнта. Яго своечасовае рашэнне аб правядзенні маштабнай мадэрнізацыі нашых прадпрыемстваў стала вырашальным у лёсе галіны. Пабудаваны сучасныя заводы, захаваны і прымножаныя працоўныя калектывы, створаны камфортныя працоўныя месцы, прычым у малых і сярэдніх гарадах. "Белляспаперпрам" сёння сфармаваў моцную, самадастатковую і эфектыўную галіну, якая, маючы высокі тэхналагічны ўзровень і прафесійны кадравы склад, забяспечвае рацыянальную, комплексную, глыбокую перапрацоўку лясных рэсурсаў, якія з'яўляюцца стратэгічным запасам і галоўным прыродным багаццем Беларусі.

Віншавальны адрас работнікам і ветэранам галіны з прафесійным святам - Днём работнікаў лесу ад Кіраўніка дзяржавы быў зачытаны на ўрачыстым сходзе канцэрна ў Мінску.

17.09.2021 16:09