Канцэрн "Белляспаперапрам" прадстаўляе беларускую мэбля на міжнароднай выставе ў Італіі.
На выставе «Міланскі мэблевы салон-2015», якая праходзіць з 14 па 19 красавіка ў Мілане, прадстаўлены эксклюзіўныя мадэлі мэблі ЗАТ "Холдынгавая кампанія "Пінскдрэў" і ЗАТ "Маладзечнамэбля".

Гэтыя прадпрыемствы канцэрна спецыялізуюцца на вытворчасці мэблі з натуральных прыродных матэрыялаў (драўніна, скура і інш.). Выпускаемая імі прадукцыя канкуруе з вядомымі еўрапейскімі брэндамі.
Мэбля з маркамі "Пінскдрэў" і "Маладзечнамэбля" рэалізуецца ў 30 краінах свету. У асартыменце выпускаемай мэблі ў кожнага прадпрыемства налічваецца больш за 500 мадэляў.
Прадукцыя дадзеных вытворцаў адзначана шматлікімі дыпломамі розных беларускіх і міжнародных выстаў за дызайн, высокую якасць, шырокі вытворчы асартымент і высокі тэхнічны ўзровень вытворчасці.
Удзел прадпрыемстваў канцэрна ў дадзенай выставе - гэтая крок на новыя рынкі збыту і вывучэнне апошніх тэндэнцый у вытворчасці мэблі з мэтай іх укаранення.

На Міланскі мэблевы салон імкнуцца вядучыя кампаніі сусветнай мэблевай індустрыі і дызайну інтэр'ераў. Гэта самая важная еўрапейская выстава мэблі. Менавіта тут вызначаюцца тэндэнцыі ў вытворчасці мэблі і дызайне інтэр'ераў. Спецыялісты з'язджаюцца на яе, каб падзяліцца нестандартнымі рашэннямі альбо знайсці іх.
Арганізатары выставы прыкладаюць усе намаганні, каб яна стала эфектыўным інструментам развіцця бізнесу як для ўдзельнікаў, так і для наведвальнікаў. Праграма выставы насычана шматлікімі семінарамі для спецыялістаў, дызайнерскімі майстар-класамі і дзелавымі сустрэчамі.