Лепшыя навінкі беларускай мэблі прадстаўлены на міжнароднай выставе ў Маскве.

Каля 20 беларускіх вытворцаў шырокага асартыменту мэблі ўдзельнічаюць у 32-й Міжнароднай выставе "Мэбля-2021", якая адкрылася ўчора ў Маскве, і працягне сваю працу да 26 лістапада.

Выстава праходзіць у ЦВК "Экспацэнтр", які знаходзіцца каля найбуйнейшага бізнес-цэнтра "Масква-Сіці".

У Цэнтры беларускай экспазіцыі прадпрыемствы канцэрна "Белляспаперпрам", якія з'яўляюцца флагманамі мэблевай галіны ў Рэспубліцы і вядомымі брэндамі на сусветных рынках. Гэта такія прадпрыемствы, як "Пінскдрэў","Гомельская мэблевая фабрыка "Прагрэс", "Мінскпраектмэбля" і вытворцы мэблі дрэваапрацоўчага холдынгу BYSPAN (MyStar, "Гомельдрэў", "ФанДАК", "Магілёўдрэў" і інш.).

На дні выставы ў прадстаўнікоў прадпрыемстваў запланавана мноства сустрэч і перамоваў з партнёрамі, удзел у бізнес-форумах і канферэнцыях. Вынікам павінны стаць новыя кантракты на пастаўку і замацаванне ўжо існуючых гандлёва-эканамічных сувязяў з кампаніямі з розных краін.

На стэндах прадпрыемстваў прадстаўлены калекцыі корпуснай і мяккай мэблі, мэблі з масіва драўніны з элементамі ручной работы (тачэнні, разьбы, мастацкага роспісу) і мэблі з розных драўняных пліт (ЛДСП, МДФ). Таксама шырока прадстаўлены плітныя матэрыялы (ламінаваныя драўняна-стружкавыя і драўняна-кудзелістыя пліты розных дэкораў і фактур), з якіх вырабляецца мэбля.

Удзел прадпрыемстваў канцэрна ў Маскоўскай выставе заўсёды знакавая і важная падзея. Да яе заўсёды рыхтуюцца загадзя, распрацоўваюць новыя калекцыі мэблі, плітных матэрыялаў, шчыльна працуюць з мэтавымі партнёрамі з розных краін, якія прыязджаюць на гэтую выставу з мэтай вывучэння новых прапаноў і заключэння кантрактаў. Традыцыйна, менавіта гэтая выстава з'яўляецца ключавой для беларускіх мэблевых прадпрыемстваў, паколькі расейскі рынак, рынак СНД і Усходняй Еўропы займаюць значную долю ў аб'ёме экспарту прадпрыемстваў канцэрна.

Так, за 9 месяцаў гэтага года прадпрыемствы канцэрна экспартавалі мэблі на 122,9 млн долараў ЗША, што на 34% больш, чым за аналагічны перыяд мінулага года. На рынак краін СНД прыйшлося каля 60% (72,5 млн долараў ЗША) ад агульнага экспарту мэблі. Пры гэтым доля Расеі ў ім склала 78% (56,6 млн долараў ЗША).

У цэлым жа мэблевая прадукцыя ў экспарце канцэрна займае 17,5%, драўняныя пліты 25%, каля 13% фанеры. Гэта самыя запатрабаваныя таварныя пазіцыі і менавіта іх часцей за ўсё прадпрыемствы канцэрна прадстаўляюць на працягу года на міжнародных спецыялізаваных выставах.

Мэбля і драўняныя пліты прадпрыемства канцэрна пастаўляюць у 40 краін. Усяго ж геаграфія замежных паставак "Белляспаперпрама" налічвае 70 краін. За студзень-верасень на знешнія рынкі пастаўлена прадукцыі на 699,8 млн долараў ЗША, што на 47,3% больш, чым за аналагічны перыяд мінулага года. Экспартавана ўсяго больш за 60 відаў тавараў з драўніны, макулатуры і іншых сыравіны і матэрыялаў.

    Міжнародная выстава "Мэбля-2021" вызначае   актуальныя тэндэнцыі мэблевага рынку і аб'ядноўвае на   сваёй пляцоўцы вытворцаў і дыстрыб'ютараў розных   напрамкаў са спажыўцамі. Сваю прадукцыю на ёй сёлета   прадстаўляюць кампаніі з 28 краін.

    Дзелавой патэнцыял выставы «Мэбля»
 * прадставіць сваю прадукцыю шырокай аўдыторыі   спецыялістаў
 * знайсці новых кліентаў і заключыць кантракты на новы   фінансавы год
  * за кароткі прамежак часу правесці маніторынг стану   рынку і актыўнасці канкурэнтаў
 * умацаваць імідж на прэстыжнай бізнес-пляцоўцы
 * падтрымаць дзелавыя кантакты і павялічыць сумы   дагавораў
 * павялічыць аб'ёмы продажаў

   Дзелавая праграма
 * Форум " RusMeбель. Эфектыўнасць у сучасных умовах "   з  удзелам прадстаўнікоў Мінпромторга Расіі, Асацыяцыі   прадпрыемстваў мэблевай і дрэваапрацоўчай   прамысловасці Расіі і экспертаў з сумежных галін
 * Форум дырэктараў малых і сярэдніх   прадпрыемстваў   "Мэбля як бізнэс"
 * Канферэнцыя па пытаннях развіцця плітнай   прамысловасці
  * Семінары па кіраванні і развіццю франчайзінгу ў   мэблевай галіне
 * Дызайн-экскурсіі
 * Нацыянальная прэмія ў галіне прамысловага дызайну   мэблі "Расійская кабрыяль"
 * Семінары па дызайне інтэр'еру і мэблі
 * WoodworkingSkills - галіновы Чэмпіянат спецыялістаў   мэблевай і дрэваапрацоўчай прамысловасці па стандартах   WorldSkills
 * Міжнародны конкурс па якасці прадукцыі ў намінацыях   «За высокія спажывецкія ўласцівасці тавараў», «За   паспяховае прасоўванне якасных тавараў»

  Прэс-служба канцэрна"Белляспаперпрам"

23.11.2021 10:48