Старшыня канцэрна Міхаіл Касько сустрэўся з працоўным калектывам папяровай фабрыкі "Чырвоная зорка" ў г.Чашнікі.

Перад сустрэчай Міхаіл Касько наведаў вытворчыя цэхі фабрыкі, дзе аб бягучым стане спраў і перспектывах развіцця прадпрыемства яму давёў дырэктар Аляксандр Свіловіч.

Далей актуальныя пытанні функцыянавання вытворчасці папяровай фабрыкі і планы па далейшай мадэрнізацыі, перспектыўнаму развіццю абмеркаваны на сустрэчы старшыні канцэрна з актывам працоўнага калектыву прадпрыемства.

    У прыватнасці, разгледжаны варыянты дааснашчэння вытворчасці дадатковым   абсталяваннем з мэтай арганізацыі выпуску прадукцыі больш высокай якасці. Таксама   актуальным пытаннем для фабрыкі з'яўляецца будаўніцтва новага энергакомплексу. Што   тычыцца бягучых пытанняў, то ў ліку надзённых, з якімі звярнуліся да старшыні работнікі   фабрыкі, забяспечанасць макулатурнай сыравінай, клеямі, а таксама крыніцамі   фінансавання мадэрнізацыі вытворчасці. У цяперашні час фабрыка працуе досыць   эфектыўна, забяспечана замовамі, рэалізуе прадукцыю з рэнтабельнасцю вышэй 20%,   сярэдняя зарплата па фабрыцы перавышае 1300 руб.

  Мяшочная і іншая прадукцыя папяровай фабрыкі "Чырвоная Зорка" карыстаецца добрым   попытам у вытворцаў сыпкіх харчовых прадуктаў і угнаенняў. Акрамя працы з айчыннымі   спажыўцамі фабрыка пастаўляе мяшкі на рынкі краін СНД і Усходняй Еўропы.

 Пры гэтым, тут думаюць і аб развіцці.     

26.11.2021 13:01