Дэлегацыя Беларусі на чале з намеснікам старшыні канцэрна "Белляспаперпрам" Аляксандрам Пшонным прымае ўдзел у міжнародным лясным форуме і Міжнароднай выставе "Расійскі лес", якія праходзяць гэтымі днямі ў Волагдзе (Расія).

У склад дэлегацыі ўвайшлі прадстаўнікі розных міністэрстваў, ведамстваў і прадпрыемстваў рэспублікі. Па традыцыі на выставе прадстаўлена і беларуская прадукцыя.

    Аляксандр Пшонны выступіў на пленарным пасяджэнні форуму. Ён   адзначыў, што беларускія арганізацыі з'яўляюцца пастаяннымі ўдзельнікамі   гэтага значнага для лесапрамысловай сферы эканомікі Расіі   мерапрыемства.  Для іх - гэта магчымасць азнаёміцца з бягучымі   тэндэнцыямі развіцця галіны і правесці сустрэчы і перамовы па магчымых   кірунках супрацоўніцтва. Напрыклад, беларускія арганізацыі ўжо сёння   могуць прапанаваць расійскім кампаніям навуковае суправаджэнне і   правядзенне генетычнай інвентарызацыі і пашпартызацыі аб'ектаў адзінага   генетыка-селекцыйнага комплексу, адбор гаспадарча каштоўных формаў і   генатыпаў раслін. Тэхналогіі, распрацаваныя Беларускім інстытутам лесу,   дазваляюць ацаніць эфектыўнасць выкарыстання аб'ектаў у лесааднаўленні   і лесаразвядзенні для стварэння біялагічна ўстойлівых і прадуктыўных   лясных культур, а таксама для захавання генетычных рэсурсаў драўняных   відаў; вызначыць генетычны патэнцыял аб'ектаў, усталяваць інтэгральную   ацэнку ўстойлівасці будучых насаджэнняў; распрацаваць рэкамендацыі па   далейшай эксплуатацыі селекцыйна-насенняводчых аб'ектаў.

   Аляксандр Пшонны таксама адзначыў, што Валагодская вобласць і   Рэспубліка Беларусь з'яўляюцца даўнімі і надзейнымі партнёрамі ў   лесапрамысловай сферы. Беларуская лесанарыхтоўчая тэхніка на працягу   многіх гадоў дапамагае спецыялістам выконваць пастаўленыя задачы ў   лясных гаспадарках вобласці. Гэта яшчэ адзін кірунак, у якім можа   развівацца супрацоўніцтва. За перыяд з 2006 па 2021 год у Валагодскую   вобласць было рэалізавана 40 машын лесапрамысловага комплексу   вытворчасці холдынгу "Амкадор". Намеснік кіраўніка канцэрна прапанаваў   зрабіць у Валагодскай вобласці палігон для выпрабаванняў машын лесапрамысловага комплексу холдынгу "Амкадор" і ТАА "Амкадор-Анега" (г.Петразаводск). Агучаныя прапановы бакі абмяркуюць у ходзе далейшых зносін у рамках форуму і працы Сумеснай камісіі па развіццю супрацоўніцтва Валагодскай вобласці і Рэспублікі Беларусь.

    У праграме візіту беларускай дэлегацыі таксама правядзенне пасяджэння сумеснай камісіі па   развіцці супрацоўніцтва Валагодскай вобласці і Рэспублікі Беларусь (яно адбудзецца 9 снежня),   удзел у пасяджэнні экспертнага савета па пытаннях ляснога комплексу, дрэваапрацоўчай і   цэлюлозна-папяровай прамысловасці пры Камітэце па эканамічнай палітыцы, прамысловасці,   інавацыйнаму развіццю і прадпрымальніцтву Дзяржаўнай Думы Расійскай Федэрацыі, удзел ва   ўрачыстым запуску новага Фанернага завода АТ "Бярэзнік" , а таксама правядзенне шэрагу сустрэч,   перамоў, наведванне некалькіх прадпрыемстваў Валагодскай вобласці.

  З прадукцыяй ААТ "Амкадор" на стэндзе выставы "Расійскі лес" Аляксандр Пшенны азнаёміў   губернатара Валагодскай вобласці Алега Куўшыннікава.

 Прэс-служба канцэрна"Белляспаперпрам"

08.12.2021 18:03