Вынікам перапрацоўкі беларускага лесу павінен з'яўляцца прадукт з высокім дабаўленымй коштам. Пра гэта заявіў сёння журналістам прэм'ер-міністр Андрэй Кабякоў на рэспубліканскім суботніку.

"Самая галоўная для нас перспектыва - увесь лес, які ў нас спее, мы павінны перапрацоўваць да сучка. І не проста перапрацоўваць, а атрымліваць прадукцыю з высокім дабаўленым коштам. На гэта, уласна, была накіравана і працягвае рэалізоўвацца праграма развіцця дрэваапрацоўчай галіны", - адзначыў Андрэй Кабякоў.
Паводле яго слоў, адзін з важных аб'ектаў, які ў бліжэйшы час будзе ўведзены ў эксплуатацыю, - завод па вытворчасці беленай цэлюлозы.
"Гэта будзе адзін з наймагутных спажыўцоў нашага лесу, прычым некандыцыйнай. Важна тое, што калі раней у выглядзе балансу такая некандыцыйныя сыравіна вывозілася за мяжу, то цяпер яна для нас будзе вельмі каштоўнай. На выхадзе будзе прадукцыя, якая, па-першае, напалову будзе імпартазамяшчальнай, а па-другое, будзе валодаць высокім экспартным патэнцыялам", - сказаў прэм'ер-міністр.

Пры гэтым кіраўнік беларускага ўрада падкрэсліў, што нельга спыняцца на дасягнутых выніках.
"Лясістасць ў нас, як сёння дакладваў міністр, на ўзроўні 40%. Вось гэты велізарны рэсурсны патэнцыял мы павінны выкарыстоўваць па максімуму", - адзначыў ён.
Андрэй Кабякоў канстатаваў, што прадпрыемствы дрэваапрацоўчай галіны выпрабавалі цяжкасці як з тэрмінамі рэалізацыі прадукцыі, так і з тэхналагічнымі працэсамі і адладкай. "Але жыццё наладжваецца, расійскі рубель умацаваўся, і мы правялі пэўныя карэкцыйныя мерапрыемствы. Кіраўнік дзяржавы падпісаў указ, які палягчае сітуацыю з дрэваапрацоўчымі прадпрыемствамі па абслугоўванню імі крэдытаў, якія былі для іх дастаткова няпростай ношай. Гэта ўсё ў сукупнасці дасць той вынік, на які мы разлічваем: высокі экспартны патэнцыял, максімум выкарыстання ўнутраных рэсурсаў і максімум дабаўленага кошту", - адзначыў кіраўнік беларускага ўрада.
БЕЛТА