Маладзёжны форум арганізацый канцэрна «Белляспаперпрам» «МЫ – БУДУЧЫНЯ КРАІНЫ» адбудзецца ў Мінску 2 лютага.

Ён будзе прысвечаны Году гістарычнай памяці. Удзел у форуме прымуць маладыя людзі, якія працуюць на прадпрыемствах канцэрна. У цяперашні час у арганізацыях канцэрна працуе больш за 5,2 тыс. чалавек ва ўзросце да 31 года, што складае пятую частку ад агульнай колькасці працуючых. Гэта тэхнолагі і інжынеры, эколагі, энергетыкі і эканамісты, спецыялісты па лагістыцы і ахове працы, бухгалтары і кадравікі, майстры цэхаў, аператары станкоў і многіх рабочых спецыяльнасцяў.

Форум пройдзе на пляцоўцы маладзёжнага бізнес-інкубатара. Спікерамі форуму выступяць намеснік старшыні канцэрна "Белляспаперпрам" Аляксандр Пшонны, старшыня Беларускага прафсаюза работнікаў лесу і прыродакарыстання Чэслава Гоева, дэпутат Палаты прадстаўнікоў Нацыянальнага сходу Рэспублікі Беларусь Сяргей Клішэвіч.

Адбудзецца таксама дыскусійная пляцоўка па актуальных пытаннях у маладзёжным асяроддзі "Адкрыты мікрафон", дзе маладыя людзі змогуць абмеркаваць любыя пытанні, якія іх цікавяць, агучыць сваё меркаванне, унесці нейкія прапановы і проста пагутарыць з сябрамі і калегамі. Пачатак форуму ў 11.00. Пра тое, як ён будзе праходзіць, глядзіце на нашым тэлеграм-канале.

31.01.2022 12:01