Праграма павышэння эфектыўнасці вытворчай дзейнасці ААТ "ФанДАК" у рэалізацыі. Ход работ 25 лютага ацаніў намеснік старшыні канцэрна Генадзь Дзікавіцкі.

Так, на мэблевай вытворчасці прадпрыемства ўсталяваны цэлы шэраг новага абсталявання і сучасных станкоў, за кошт чаго аўтаматызаваны і аптымізаваныя тэхналагічныя працэсы, у тым ліку аздаблення і афарбоўкі мэблевых дэталяў.

Цэх спецыялізуецца на выпуску мэблі з масіва хвоі. Прадукцыя карыстаецца попытам на многіх замежных рынках.

Акрамя абнаўлення вытворчасці ўладкоўваюцца і сацыяльна-бытавыя памяшканні. Падыходзяць да завяршэння рамонтныя работы ў гардэробах, абсталяваных сучаснымі душавымі і санвузламі, у буфетах і іншых памяшканнях. Добраўпарадкоўваецца і тэрыторыя ўсяго прадпрыемства.

Настрой у працоўнага калектыву аптымістычны - прадпрыемства ў развіцці.

Новае дыханне на "ФанДАКе" будзе і ў лесапільнай вытворчасці. Зараз тут поўным ходам ідзе мантаж новага высокапрадукцыйнага абсталявання, дзякуючы якому аб'ём вытворчасці лініі лесапілавання выгадуе больш чым у 3 разы да 60 тысяч куб. м піламатэрыялаў у год. Дзякуючы мадэрнізацыі, істотна знізяцца выдаткі на вытворчасць прадукцыі, павялічыцца выпрацоўка і, што важна, кардынальна зменяцца ў лепшы бок умовы працы для людзей.

Генадзь Мікалаевіч таксама сустрэўся з працоўным калектывам прадпрыемства. Адбыўся насычаны і канструктыўны дыялог.

28.02.2022 12:55