Старшыня канцэрна Міхаіл Касько павіншаваў ветэранаў і работнікаў галіны З Днём Перамогі.

 Дарагія ветэраны, паважаныя работнікі арганізацый канцэрна "Белляспаперпрам", сябры!

Віншую вас са знамянальным і значным для нас святам - Днём Перамогі савецкага народа ў Вялікай Айчыннай вайне!

Гэта ўсенароднае свята міру і дабра, сімвал гераізму і самаахвярнай любові да роднай зямлі, светлай памяці аб мільёнах загінулых і непакорнай сілы духу абаронцаў Айчыны.

Мы шчыра ўдзячныя ім за святы подзвіг, за мужнасць і вернасць свайму народу, за жыццёвую сілу, высакароднасць і патрыятызм.

Наш абавязак - захоўваць пра іх вечную памяць, перадаваць гісторыю перамогі з пакалення ў пакаленне, рабіць усё для таго, каб у Беларусі заўсёды былі мір, згода і дабрабыт.

Жадаю ўсім ветэранам і работнікам галіны выдатнага святочнага настрою, моцнага здароўя, любові і цяпла ад родных і блізкіх людзей. Міру і дабра!

З Днём Перамогі!

Старшыня канцэрна"Белляспаперпрам"
Міхаіл Касько

06.05.2022 18:34