Драўніну, нарыхтаваную на бураломных лесасеках, неабходна эфектыўна перапрацаваць у гатовы прадукт і рэалізаваць яго. Такую задачу сёння перад лесапрамысловым комплексам паставіў намеснік Прэм'ер-міністра Беларусі Юрый Назараў.

18 мая ён правёў нараду аператыўнага штаба ў пытаннях ліквідацыі наступстваў непагадзі ў лясным фондзе ў Мсціслаўскім райвыканкаме.

Удзел у працы штаба прыняў і старшыня канцэрна Міхаіл Касько, прысутнічалі кіраўнікі шэрагу прадпрыемстваў.

На думку намесніка Прэм'ер-міністра, неабходна знайсці здаровы кампраміс, як гэтую драўніну пусціць у перапрацоўку і куды прадаць гатовую прадукцыю. "Гэта сістэмная праца, мы пастаянна ёй займаемся, дзякуючы чаму  пытанні, якія склаліся, ў бліжэйшы час будуць адрэгуляваны", - падкрэсліў Юрый Назараў.

У выніку ўраганных вятроў, якія прайшлі на тэрыторыі Беларусі 12 мая, пацярпела каля 1 млн куб. м драўніны.

Паводле інфармацыі БЕЛТА

Фота: Мінлясгас

18.05.2022 11:23