Беларусь і Пакістан абмеркавалі супрацоўніцтва ў сферы цэлюлозна-папяровай прамысловасці.

Учора ў Мінску адбыўся двухбаковы анлайн-форум з мэтай устанаўлення прамых дзелавых сувязяў дзвюх краін у сферы цэлюлозна-папяровай прамысловасці.

Намеснік старшыні канцэрна "Белляспаперпрам" Аляксандр Пшонны прэзентаваў цэлюлозна-папяровую галіну Беларусі. Адбылося таксама выступленне кіраўніцтва асацыяцыі гандляроў папяровай прадукцыяй Пакістана, прысвечанае магчымасцям узаемадзеяння пакістанскіх кампаній з беларускімі вытворцамі гэтага сегмента рынку.

У рамках дзелавой частцы мерапрыемства ў асобных віртуальных пакоях праведзены b2b-перамовы, падчас якіх носьбіты бізнес-інтарэсаў дзвюх краін змаглі абмеркаваць мадальнасці патэнцыйнага супрацоўніцтва. З беларускага боку ў перамовах узялі ўдзел прадстаўнікі ААТ "Светлагорскі цэлюлозна-кардонны камбінат", РУП "Завод газетнай паперы", ААТ "Папяровая фабрыка "Спартак" і ААТ "УХК "Беларускія шпалеры".

БелТА

04.08.2022 15:57