Больш за 10 надзённых і аб'ёмных пытанняў сёння разгледжана на сустрэчы кіраўніцтва галіны і прафсаюза з працоўным калектывам ААТ "Віцебскдрэў".

Гэта актуальныя пытанні вытворчасці і рэалізацыі прадукцыі, уключаючы інтэрнэт-гандаль, пытанні забеспячэння драўнянай сыравінай, у тым ліку цэнаўтварэнне і якасць.

Нададзена вялікая ўвага праблемам сертыфікацыі, працы завадской лабараторыі, на базе якой праводзіцца шырокі спектр выпрабаванняў плітнай прадукцыі, а таксама пытаннях навуковага суправаджэння дрэваапрацоўчых вытворчасцей.

Не засталіся без увагі і пытанні падрыхтоўкі і замацавання кадраў на вытворчасці, маладзёжнай палітыкі, сацыяльных гарантый работнікаў, аховы працы, прамысловай бяспекі, экалогіі і іншых сфер.

Сустрэча атрымалася вельмі насычанай і плённай. Яна прайшла ў форме канструктыўнага дыялогу і дапамагла адразу на месцы вырашыць шэраг пытанняў, якія хвалявалі людзей.

Ход правядзення рамонтных работ на вытворчасці драўнянавалакністых пліт Віцебскдрэў і будаўнічых работ на пляцоўцы прадпрыемства канцэрна "Акітама" таксама разгледжаны сёння ў ходзе рабочай паездкі старшыні канцэрна.

Заслугі цяперашняга працоўнага калектыву і ўклад папярэдніх пакаленняў работнікаў ААТ "Віцебскдрэў" заслугоўваюць высокай ацэнкі, падтрымкі і падзякі.

Сёлета прадпрыемства адзначае 95-годдзе з дня ўтварэння і гэта добрая нагода адзначыць працу людзей.

Працоўны калектыў Віцебскдрэў узнагароджаны Ганаровай граматай канцэрна. Яе сёння на сходзе ўручыў старшыня канцэрна Міхаіл Касько (у падарунак - карціна) .

    Павіншавала работнікаў прадпрыемства і старшыня Беларускага прафсаюза работнікаў лесу і прыродакарыстання Чэслава Гоева.     Першаснай прафсаюзнай арганізацыі яна ўручыла грашовы сертыфікат на набыццё дадатковага спартыўнага абсталявання ў   трэнажорную залу, які пры падтрымцы галіновага прафсаюза адкрыты на заводзе некалькі гадоў таму.

   Віншуючы працаўнікоў, Міхаіл Міхайлавіч падкрэсліў, што на Віцебскдрэве вельмі моцны, надзейны калектыў, які згуртавана перажываў   розныя перапетыі ў сваёй гісторыі і заўсёды выходзіў з іх годна.

    "Галоўнае - вы не абыякавыя да лёсу свайго прадпрыемства, таму, упэўнены, справіцеся з самымі складанымі задачамі. Я вам гэтага   шчыра жадаю. Поспехаў і росквіту", - сказаў старшыня.

   Прэс-служба канцэрна "Белляспаперпрам"

29.09.2022 16:56