Сёння ў Маскве адбылася прэзентацыя экспартнага патэнцыялу падведамных арганізацый канцэрна "Белляспаперпрам".

У прэзентацыі прынялі ўдзел прадстаўнікі такіх краін як: Арменія, Казахстан, Малдова, Узбекістан, Егіпет, Ірак, Іран, Алжыр, Боснія і Герцагавіна, Мексіка і іншыя.
З тэмай аб вытворчых магчымасцях прадпрыемстваў канцэрна выступіў старшыня - Міхаіл Касько.

   Наступным выступоўцам быў генеральны дырэктар холдынгу "BYSPAN" Аляксандр Ільніцкі. Тэма яго прэзентацыі - прадукцыя, якая     вырабляецца прадпрыемствамі холдынгу. Прадукцыя холдынгу вельмі разнастайная: пачынаючы ад падлогавых пакрыццяў, пліт ДСП,  мэблі і заканчваючы запалкамі.

  Цэлюлозна-папяровую галіну рэспублікі прадставіў намеснік генеральнага дырэктара ААТ "Светлагорскі ЦКК" Юрый Бердовіч. Асноўная   прадукцыя галіны: цэлюлоза, газетная папера, кардон, прадукцыя санітарна-гігіенічнага прызначэння.
  Апошні выступоўца - камерцыйны дырэктар холдынгавай кампаніі "Пінскдрэў" Ігар Вядзерчык. ХК "Пінскдрэў" выпускае ўсе віды   бытавой  мэблі і вялікую наменклатуру мэблі для грамадскіх памяшканняў, а таксама фанеру, гнутаклеяныя дэталі, драўнянастружкавыя   пліты, у тым ліку ламінаваныя, будаўнічы і мэблевы паганаж, габляваны шпон, піламатэрыялы, паліўныя гранулы, брыкет.

Прэс-служба канцэрна "Белляспаперпрам"

24.11.2022 12:11