У 2022 годзе экспарт прадукцыі дрэваапрацоўчай і цэлюлозна-папяровай прамысловасці Беларусі ў Кітайскую Народную Рэспубліку вырас амаль на 10%.

З нашай рэспублікі ў Кітай экспартуюцца піламатэрыялы, цэлюлоза, фанера.

Супрацоўніцтва паміж прадпрыемствамі галіны і кітайскімі партнёрамі дынамічна развіваецца. У 2022 годзе актыўная праца ў гэтым кірунку праводзілася сумесна з Пасольствам Рэспублікі Беларусь у КНР. У рамках семінараў "Беларусь-Кітай: дзелавы тыдзень" і ў наступным было арганізавана некалькі сустрэч з кітайскімі дзелавымі коламі.

Так, у сакавіку мінулага года адбылася анлайн-сустрэча з кітайскімі кампаніямі, дзе быў прадстаўлены экспартны патэнцыял мэблевых і дрэваапрацоўчых прадпрыемстваў рэспублікі. У анлайн-сустрэчы прынялі ўдзел каля 170 прадстаўнікоў з Беларусі і Кітая.

У маі падпісаны мемарандум аб развіцці супрацоўніцтва ў галіне імпарту і экспарту прадукцыі дрэваапрацоўкі паміж канцэрнам «Белляспаперпрам» і Кітайскай асацыяцыяй па абароту драўніны і лесапрамысловай прадукцыі.

Прэс-служба канцэрна "Белляспаперпрам"

28.02.2023 11:00