Міжнародны дзень абароны дзяцей адзначаецца штогод 1 чэрвеня. Яго заснавалі ў 1949-м, а ўпершыню адзначалі ў 1950 годзе. Ён закліканы нагадаць дарослым аб захаванні і павазе правоў дзіцяці.

А яшчэ гэтае свята выклікае пачуццё прыемнай настальгіі і акунае ў цёплыя ўспаміны аб самай выдатнай пары ў жыцці.

У Міжнародны дзень абароны дзяцей яркае музычнае свята падарылі дзецям і ўнукам работнікаў філіяла «Добрушская папяровая фабрыка «Герой працы» ААТ «Кіруючая кампанія холдынгу «Беларускія шпалеры» адміністрацыя і прафсаюзны камітэт прадпрыемства. І ў гэтым ім дапамог раённы Палац культуры. Хлопцы прадэманстравалі ўсе свае таленты, павесяліліся разам з вядучымі. А потым усіх чакаў сюрпрыз - танцы і салодкі стол. Адзначым, што фестываль абяцае стаць традыцыйным.

У Міжнародны дзень абароны дзяцей калектыў філіяла ААТ "Мазырскі ДАК" перадаў Ельскаму раённаму цэнтру карэкцыйна-развіваючага навучання і рэабілітацыі спартыўны інвентар. Дзеці такому падарунку былі вельмі рады!

Прадстаўнікі адміністрацыі і прафсаюзнага камітэта ААТ Гомельская мэблевая фабрыка "Прагрэс" наведалі падшэфны яслі-сад № 24 г.Гомеля. Супрацоўнікі прадпрыемства сталі гасцямі ранішніка, прысвечанага святу, павіншавалі педагагічны калектыў і іх выхаванцаў. Пажадалі хлопцам поспехаў, моцнага здароўя і, вядома, уручылі падарункі.

У Міжнародны дзень абароны дзяцей у ААТ "Гомельдрэў" адбылася сустрэча з навучэнцамі сярэдняй школы № 2 імя Г.М. Склезнева. Рабят пазнаёмілі з гісторыяй прадпрыемства, тэхналагічным працэсам вытворчасці мэблі. Расказалі аб запатрабаваных тут прафесіях, а таксама ўстановах адукацыі, дзе можна ім навучыцца. Работнікі ААТ "Гомельдрэў" павіншавалі школьнікаў са святам, пажадалі дзецям далейшых поспехаў у вучобе, а таксама добрага адпачынку ў перыяд летніх канікул!

Прэс-служба канцэрна "Белляспаперпрам"

01.06.2023 10:25