Казахскія кампаніі з'яўляюцца даўнімі і надзейнымі партнёрамі арганізацый канцэрна «Беллеспаперпрам».

Гэты рынак - у ліку найбуйнейшых на постсавецкай прасторы пасля Расіі. Так, за студзень-красавік бягучага года экспарт у гэтую краіну вырас у 1,9 раз у параўнанні з аналагічным перыядам мінулага года. Самыя папулярныя пазіцыі - мэбля, драўняныя пліты, папера і кардон, а таксама вырабы з іх, фанера.

Арганізацыі канцэрна актыўна прэзентуюць свой экспартны патэнцыял. У чэрвені 2022 года дрэваапрацоўчыя і мэблевыя прадпрыемствы прымалі ўдзел у Казахстанскай міжнароднай выставе «Мэбля. Інтэр'ер. Дрэваапрацоўка-2022" у Алматы.

Супрацоўніцтва ў палітычнай сферы, эканоміцы і перспектыўныя праекты сталі тэмай сённяшняй сустрэчы Прэзідэнта Беларусі Аляксандра Лукашэнкі з намеснікам прэм'ер-міністра, міністрам замежных спраў Казахстана Муратам Нуртлеу. Беларускі лідар адзначыў, што гэты візіт паспрыяе ўмацаванню двухбаковых адносін. "Казахстан, Расія і Беларусь – я, гледзячы наперад, бачу такі прыцягальны цэнтр для іншых дзяржаў. Нядаўна я пра гэта казаў: спадзявацца на тое, што прыйдзе нейкі багаты сусед і нам дапаможа, не даводзіцца. На жаль, свет сёння эгаістычны, нацыяналістычны. Вы (міністры замежных спраў) гэта бачыце лепш, чым я. Таму трэба, прынамсі ў дадзены момант, спадзявацца на сябе і на сваіх сяброў, якія заўсёды прыйдуць на дапамогу і падтрымаюць", – адзначыў Кіраўнік дзяржавы.

Прэс-служба канцэрна "Беллеспаперпрам"

19.06.2023 17:00