Беларусь і Кыргызстан - надзейныя саюзнікі і перспектыўныя партнёры.

Прадпрыемствы канцэрна "Белляспаперпрам" паспяхова развіваюць гандлёва-эканамічнае супрацоўніцтва з партнёрамі з Кыргызстана. Па выніках першага паўгоддзя экспарт у краіну вырас амаль у 2 разы ў параўнанні са студзенем-чэрвенем мінулага года. Сюды пастаўляецца плітная прадукцыя, мэбля, папера і кардон, а таксама вырабы з іх, фанера.

Сёння намеснік прэм'ер-міністра Анатоль Сівак сустрэўся з намеснікам старшыні Кабінета міністраў Кыргызстана Бакітам Тарабаевым. Кыргызстан з'яўляецца нашым надзейным, правераным часам саюзнікам і перспектыўным гандлёвым партнёрам, адзначыў віцэ-прэм'ер. Асноўная задача - паступальнае нарошчванне аб'ёмаў тавараабароту з выкарыстаннем патэнцыялу ЕАЭС.

Прэс-служба канцэрна "Белляспаперпрам"

23.08.2023 17:00