Задача № 1 для вытворчай пляцоўкі ААТ "Івацэвічдрэў" у г.Ліда. Сёння тут пабываў старшыня канцэрна "Белляспаперпрам" Міхаіл Касько.

Па традыцыі - абыход і агляд вытворчасці, аналіз паказчыкаў і, вядома, сустрэча з працоўным калектывам.

Не ў такім аддаленым мінулым вытворчая пляцоўка перажывала не самыя лепшыя часы, але сітуацыя стабілізавалася, пляцоўка развіваецца. Праўда, не такімі хуткімі тэмпамі як хацелася б. І на гэта звярнуў увагу старшыня канцэрна.

«Аб'ёмы вытворчасці невялікія. Таму да канца года іх трэба як мінімум падвоіць, - такую задачу паставіў Міхаіл Міхайлавіч. - Кадры, абсталяванне ў вас ёсць, таму трэба больш актыўна працаваць з пакупнікамі».

На сустрэчы таксама абмяркоўваліся пытанні развіцця ААТ "Івацэвічдрэў", галіны ў цэлым.

У рамках сённяшняга візіту ў Гродзенскую вобласць старшыня канцэрна наведаў і ААТ "Лідабудматэрыялы".

Прэс-служба канцэрна "Белляспаперпрам"

25.08.2023 16:30